1 Samuweli 28:4 - Mazu Otchena a Mulungu

⁴ AFilistewu kohogumanelaga, aliwa dowa kunga misasa diwa wandamelana tatamo ya Sunemi. Eto Sawuli ohagumanihaga aIzarayeli atene, aliwa dowa kunga misasa diwa mwango wa Jilibowa.

1 Samuweli 28:4 ပူးပေါင်းရင်းမြစ်များ

2 Samuweli 1:21

Nyo mwango da Jilibowa kamukayena ningame, nne kamurumbweliwe muzongwe. Minda dowandamana kadivahe jovaha. Mwasiwa ku wewo ugondjihiwe defeza da anyakondo a kopolo eto ku wewo wagomihedile hambihiwa na makura defeza ya mwene Sawuli.

2 Samuweli 1:6

Evale muzombole amuwandelaga mazwale, ohowongaga eraga: <<Ira miyo diwande iziwa, iireyile eni: Miyo dafwanyeya mwango wa Jilibowa. Miyo dagali wewule, dohonfwanya mwene Sawuli agasamenle mwanango waye, agaporeyile, agahanle vang'ono ira akwe. Eto dohoonaga aterelado vamohi na kavalo da kondoni dagali vakwikwive ira dinfwanye.

2 Samuweli 21:12

Davi agavwile enne, oharumaga atu ira kadowe sidadi ya Jabeji-Jileyadi ira katukule makuva a Sawuli na makuva a mwanaye Jonata. Tchoira Sawuli na Jonata kagapiwile na aFilistewu ilambo ya Jilibowa, akuda Jabeji-Jileyadi badowile sidadi ya Bete-Seya, aliwa dowa mozemba, tukulavo mitembo diwa varampani vevo vaatomeyile aFilistewu.

1 Amwene 1:3

Mwa enne kohodowaga pandi datene da Izarayeli ira kanvende namwali mmohi oriya. Kagadowile nvenda, kohonfwanyaga namwali mmohi aitaniwa Abizage, wa tatamo ya Sunemi, aliwa muzana wa mwene.

2 Amwene 4:8

Siku nimohi niwa mulombwana Elizewu ohodowaga tatamo ya Sunemi. Agadowile wewule, ohokalawo muhiyana mmohi orayela azilege amukanyihedaga Elizewu eraga: <<Ndoweni vande vaga ira mudowe mwadje.>> Mwa enne, mulombwana Elizewu fendo datene davira liye wewule, operuwetcha vande va muhiyanole, liye djaga.

Jozuwe 19:18

Muwari mwa ilambo yavahiwe atu, sidadi diwa ti di; Jezereli, Kesuloti, Sunemi,

1 Samuweli 28:5

Mwa enne Sawuli agaonne nikuru na anyakondo a aFilistewu, liye ohoroma ova eto murimaye ohonyungulruwa.

1 Samuweli 31:1

Fwanyeya ira tempu yawana mulombwana Davi na aAmaleki, aFilistewu na aliwene kafwanyeya kawanaga na aIzarayeli. Muwari mowana mule, aIzarayeli kohoroma tawa, aliwa piwaga na makalelo ohokala a masika mwango wa Jilibowa.

1 Samuweli 31:8

Noira eno, mmetcheloni muwa, aFilistewu ale kagadowile ira kaawungule fwaramento atu atene kakwile ale, kohonfwanya mwene Sawuli vamohi na ahimaye araru kagakwile mwango wa Jilibowa.