1 Samuweli 28:19 - Mazu Otchena a Mulungu

¹⁹ Vamohive vevo liye unouvaheda weyo vamohi na mulogo watene wa aIzarayeli mmandani mwa aFilistewu. Metchelo weyo vamohi na ahimawo munomala piwa, muze mukale vamohi na miyo wewuno. Eto Yehova unoavaheda nikuru na anyakondo a aIzarayeli mmandani mwa aFilistewu.>>

1 Samuweli 28:19 ပူးပေါင်းရင်းမြစ်များ

1 Amwene 22:20

Mwa eno, Yehova ohowonga eraga: <Kodi unafuna munyenga mulombwana Akabe bani ira adowe apiwe kondoni Ramote-Jileyadi?> Mwa enne kada mutu awonga yaye yaye.

1 Amwene 22:28

Evale mulombwana Mikaya ohowongaga eraga: <<Nyo so mwene mwawelawo kondoni mwa murendele, era eno, kahi Yehova uwongile mwa miyo.>> Eto ohowongagave eraga: <<Muvuruwane pama nyo atene zela yenno iwongile miyo.>>

Ezodu 9:18

Metchelo ora yokala nnga a yenna, nnafuna dimorihe muzongwe wa maralaza owopiha, maralaza anno kali kahanarome oneya muwari mwa ilambo ya Ijipitu kuma siku niromile kalawo ilambwela ya Ijipitu fiyeda peno.

Matewuji 26:24

Yesu ohowonga, liye ira: <<Tchoira na ibaribari Mwana wa Mutu unagulihiwa nnga mulrembele atu mMazuni zela liye. So mbwenye, udilu wa wenno unafuna muguliha! Ali yapama mutu wenno ahabaliwa!>>

Joira ja Anamarumiwa 5:5

Ananiya ule novwa mazu awonga Peduru, ohogwa, vuma wogomiheda kala wewule, liye kwa. Noira eno, vohokala azombwe angasi angasi kavennye, aliwa tukula nguwo, mupitikelrelrana, aliwa dowa mukoya. Atene kavwile zela ukwa waye kohokana ova ulukulu.

1 Samuweli 12:25

Mbwenye nyo mwawelela iraganave jabure, na ibaribari Yehova unoudimelihani mwilamboni muno romela nyo vamohi na mwene wenyu wenno ira mwahafwanyeyegemo.>>

1 Samuweli 28:20

Evale Sawuli agavwile jatene jawongilege Samuweli jile, ohogwelaga vati ozongowene na mwasa oova jatene ejile. Eto ohowaheyaga na mwasa oira ohomalaga siku nompumbula ntana watene na mahiyu atene ahadjileve yengo.