1 Samuweli 27:9 - Mazu Otchena a Mulungu

⁹ Mwa enne Davi na atwaye kadowa sakanya ja umadjuba jile, koapetcha alombwana atene na ahiyaniwene, aliwa awakaga mabiliwa, ng'ombe diwa, aburu, na akamelo, vamohi na jowara jiwa jene. Kamala, kovenyihana aliwa welela Gate wali Akiji wakoka wene.

1 Samuweli 27:9 ပူးပေါင်းရင်းမြစ်များ

Jenesesi 16:7

Agari agali muwari motawa, Mungelro wa Yehova ohomutwanyuwela mukokolani emule wandamelana isime yowenda, ndila yodowa Suri.

Jenesesi 25:18

Ahima atene a Jomayili kafwanyeya roma Havila fiyeda Suri sogolro wa Ijipitu, kalaga nnga unadowa ilambo ya Asiriya. Mbwenye akuda Jomayili tchanna vwanana na atu amohiwa a muibalini mwa Abarahamu.

Ezodu 15:22

Evale Mozeji ohasogolrelra Ana Izarayeli ira kakume Bara Yofila, aliwa dowa isalesale ya Suri. Mwa enne aliwa kohowenda malambo mararu muisalesaleni mule, mbwenye tchaonile mahindje ira kang'we.

Jozuwe 6:21

Evale aIzarayeli kohotolotcha jatene jafwanyeya musidadi mule na masupada. Romela alombwana na ahiyana, ahima na andimuwa, ng'ombe, mabila vamohi na aburu, jatene jene aIzarayeli kohomala pa.

1 Samuweli 15:3

Nyo muvenye tchineneva mwawane na akuda Amaleki eto mutolotche jatene jinna atu. Mwaafwanya, kamwawendele tangaranga nne kamwaairele yengo yapama. Mwaape alombwana atenene vamohi na ahiyana na ahimiwene, na ahima a mmandani, ng'ombe, mabila, akamelo, na aburu.> >>

1 Samuweli 15:7

Evale mwene Sawuli ohoromaga wana na aAmaleki atenene kuma ilambo ya Havila, ante dowa fiya Suri makumelo wa nzuwa wa Ijipitu.

1 Samuweli 15:8

Ohomuhinda wa meswene mulombwana Agagi mwene wa aAmaleki ule. Mbwenye atu atene ohala ale, Sawuli ohatolotcha na supada.