1 Samuweli 27:1 - Mazu Otchena a Mulungu

¹ Jagamanle jejile, mulombwana Davi ohoumbuwelaga mmirimani mwaye ira: <<Miyo eni vasogolro nnoza dipiwe na mwene Sawuli. Mbwenye ira mwene Sawuli ahadipe, inafwanela dikumemo mwilamboni muno, didowe dakalege mwilamboni mwa aFilistewu. Dadowa wewule, Sawuli unogoma disaka muwari mwa Izarayeli, era eno, nnovuluwa, kannakwa.>>

1 Samuweli 27:1 ပူးပေါင်းရင်းမြစ်များ

1 Amwene 12:26

Evale liye ohoumbuwelaga mmirimani mwaye ira: <<Ifiyile atu va, aIzarayeli anaatonga miyo anagomela welela wa amwene a muibalini mwa Davi.

1 Amwene 12:28

Noira enne, agaafukile afwaye zelru, liye ohosakanyaga ana ng'ombe ambinli a oru, liye wonga na atu atene eraga: <<Ira nyo mukumegeve uno mudowege Jeruzalemu akoka, tchi goyi ilukulu para nyo. Ing'anani nyo aIzarayeli, amilugu banna kaukumihileni Ijipitu!>>

1 Amwene 19:3

Evale mulombwana Eliya agavwile enne, ohoovaga, liye maruwa, roma tamanga ira ahapiwe, liye dowa sidadi ya Beriseba mwilamboni mwa Juda. Agafiyile Beriseba, liye amuhiyile namalabaye wewule.

Ezodu 14:12

Nagali muIjipitu hiyo kanawongile vale na weyo ira: <Unihiye mwemuno, naalabege aIjipitu.>? Tchoira yali yapama naalabege aIjipitu hiyaniha no za kwela muisalesaleni muno.>>

Izaiya 51:12

Miyo gu miyene unaulimbihani. Kodi nyo muli ani ira mumuovege mutu unafuna za kwa? Munamuovela nni mutu wenno unafuna za vunda nnga malatchi?

Matewuji 14:31

Mobaranya Yesu ohotapulaga ndanda naye, liye muhinda, amuwandelaga eraga: <<We mutu oyeva nroromelo we! Kodi wakayikelela nni?>>

Markuji 4:40

Agairile eno, ohafuka anamamuharaye ira: <<Munaova nni? Evale na vano kamunakayena nroromelo?>>

2 Korinto 7:5

Tchoira masiki nagazile Masedoniya, maningo ehu tchavumile nne vang'ono. Nohokana zuzumihiwa mwatene mwawenda hiyo. Unde, nohokana wanawana. Eto mmirimani mwehu, nofwanyeyana ova ulukulu.

1 Samuweli 16:1

Evale Yehova ohowongaga na Samuweli eraga: <<Kodi unaza uhiye mukumbanya Sawuli alini, agali miyo dihimala munyanyala ira liye ahakale mwene wa mulogo wa Izarayeli akoka? Uvenye utukule nnyanga, uzalihemo makura, umaruwe udowe sidadi ya Beleme. Wafiya wewo, udowe vande va mulombwana mmohi unaitaniwa Jese. Liye uhumukana mwanaye mmohi wenno dimusakunlre miyo ira akale mwene.>>

1 Samuweli 16:13

Evale Samuweli ohotukulaga nnyanga neno mwafwanyeya makura, liye mukutulela Davi vamentoni va abalaye atene. Evale Munemba wa Yehova ohomuzelaga kala na liye roma siku nenne ante dowaga sogolro. Nomala eno, Samuweli ohowelelaga waniwa wakoka wene ilambo ya Rama.

1 Samuweli 20:3

Davi ohowongagave na Jonata eraga: <<Miyo nnalumbela ira babawo uhuiziwa ira weyo udifwewela murima. Nona liye hauwandelaga, mwasiwa uhuiziwa ira: <Mwanaga Jonata uhuwandana na Davi. Dera dimuwandele ira nnafuna dimpe Davi, liye unerege kana kukumuwa ulukulu mmirimani mwaye.> >> Davi ohowongagave eraga: <<Miyo mbwenye nnawonga vamentoni va Yehova okalawo eto nnawonga vamentoni vawo ira miyo na ibaribari eni ukwa unodihara, uli vakwikwive na miyo!>>

1 Samuweli 22:5

Davi agalive nimburo neno natawenle liye, siku nimohi ohokalaga namafiyiheda mmohi aitaniwa Gadi, avenyilege adowa amuwandela Davi eraga: <<Weyo kukale vevano. Eni inafwanela uvenye udowege ilambo ya Juda, wakalege wewo.>> Davi agavwile mazu anne, ohovenyihanaga vamohi na atu kamuhara, liye dowa kalaga guguru ya Herete muwari mwa ilambo ya Juda.

1 Samuweli 23:17

Jonata ohowonga na Davi eraga: <<Eni weyo wagarati, kuovege. Tchoira babaga Sawuli kanaupa! Eni weyo unofiyeda kala mwene wa Izarayeli eto miyo nnokala mutu wanembinli muwari mwa utongi wawo. Eto eni babaga uhumala iziwa jatene jejo!>>

1 Samuweli 25:30

Muwari mohoirana yabure peno, tempu Yehova inafuna liye kwakwaneliheda jatene japama jejo jiwongile liye ira auvaheni nyo mbwiyeni eto mwaza mukala musogolrelri wa aIzarayeli,

1 Samuweli 26:19

Mbwiyeni so mwene, muvuruwane inafuna miyo wonga dagali namalaba wenyu. Akala ali Yehova airihile ira nyo mudisanduwele miyo, inafwanela aveleliwe wa Yehova mukuto ira liye awande uhiyihani jejo. Mbwenye akala ba atu amohiwene anautujelani ira nyo mudisakege, aliwa katembelrelreye vamentoni va Yehova. Tchoira aliwa kohofiyeda ditamangiha ira miyo dahawande wenda muwari mwa ilambo Yehova inivahile liye, aliwa ditamangihaga ira didowe ilambo imohiwa ira daatamalelege amilugu amohiwene anafwanyeya wewo!

1 Samuweli 29:2

Evale amwene a aFilistewu kadowaga kondoni, kohoroma atanda anyakondo ewa, muwari mwa makuru a 1.000 na makuru a 100. Eto mwa tempu yenne mulombwana Davi vamohi na atwaye ale na mwene Akiji, koaharaga mundulri mwiwa.

1 Samuweli 29:3

Mwa enne asogolrelri a aFilistewu kagamuonne mulombwana Davi vamohi na atwaye ale kaaharaga mundulri mwiwa, kohonfukaga mwene Akiji keraga: <<Kodi aEberewu ala, wewuno anahindawo nni?>> Evale Akiji ohawakulaga asogolrelri a aFilistewu ale, liye ira: <<Ula gu Davi. Liye wanle ali munyakondo wa Sawuli mwene wa aIzarayeli. Mbwenye eniva liye umala malambo oindjivene agali na miyo. Eto kakalevo unafuna muwanganyedana yengo ili yatene, tchoira romela siku nilupile liye aza wa miyo, fiyeda peno kanasakanye yengo yabure.>>