1 Samuweli 26:19 - Mazu Otchena a Mulungu

¹⁹ Mbwiyeni so mwene, muvuruwane inafuna miyo wonga dagali namalaba wenyu. Akala ali Yehova airihile ira nyo mudisanduwele miyo, inafwanela aveleliwe wa Yehova mukuto ira liye awande uhiyihani jejo. Mbwenye akala ba atu amohiwene anautujelani ira nyo mudisakege, aliwa katembelrelreye vamentoni va Yehova. Tchoira aliwa kohofiyeda ditamangiha ira miyo dahawande wenda muwari mwa ilambo Yehova inivahile liye, aliwa ditamangihaga ira didowe ilambo imohiwa ira daatamalelege amilugu amohiwene anafwanyeya wewo!

1 Samuweli 26:19 ပူးပေါင်းရင်းမြစ်များ

Jenesesi 44:18

Evale Juda ohomukwivelaga Joze, liye nvepa eraga: <<Mudirumelihe diwonge na nyo andimuwa, kamutakaleliwe na makalelo ohokala a masika zela wa miyo namalaba wenyu. Miyo dihiiziwa ira nyo muli mundimuwa nnga Farawu.

Jenesesi 8:21

Mwa enne nukela wapama wa mukuto ule wohonfwanya Yehova. Evale Yehova ohoumbuwela mmirimani mwaye ira: <<Miyo dihiiziwa ira atu anafuna za baliwa anoza kakayena jofuna jiwa jotakala romana uhimani wewa. Mbwenye kuma peno eni kadiza diwelela akoka tembelrelra teya na mwasa wa atu eto kadiza diwelela tolotcha jatene ja ingumi na makalelo nnga virile miyo.

2 Samuweli 14:16

Dabalra ira: <Dagamuwandenlemo mwene, liye unovwa yovepa yaga, adiwombole miyo vamohi na mwanaga mmandani mwa atu anno anafuna nidimeliha muwari mwa ilambo yenno Mulugu univahile liye.>

2 Samuweli 16:10

Mwene Davi mbwenye ohomuwakulaga mulombwana Abizayi eraga: <<Miyo kadinna pandi na nyo ana Zeruwiya! Akala umurumile gu Yehova ira aze aditembelrelre, kakalevo unafuna fuka zela jeji!>>

2 Samuweli 16:11

Noira enne, Davi ohowongagave na Abizayi vamohi na asogolrelraye atene, liye ira: <<Mwana umbanle miyo unodisaka ira adipe! Nnga akala mwanaga ombala miyo unofuna jodipa, nnga ikalele mutu wa nlogo na Benjami ula? Mmuhiye liye asakanye jinafune liye. Mmuhiye liye aditembelrelre, tchoira gu Yehova umurumile ira airena!

2 Samuweli 20:19

Eto miyo dili mutu ofuna murendele eto dili mutu ororomeleya munlogoni mwa Izarayeli! Nyo munafuna mutolotche sidadi imohi yororomeleya inafwanyeya muwari mwa Izarayeli. Nnga kodi mwasiwa gwa nni nyo funaga jogudjula ilambo ya Yehova?>>

2 Samuweli 21:3

Evale Davi ohafukaga, liye ira: <<Nnga vireyile atu eno, nyo munafuna ira miyo duireleni nni? Tchoira miyo nnafuna duireleni upama uli watene munafune nyo ira mulando wehu amalihiwe, nyo muwande nireliha hiyo atu a Yehova!>>

2 Samuweli 24:1

Mwa malambo anne Yehova ohotakaleliwaga na makalelo ohokala a masika zela aIzarayeli akoka. Mwa enne Yehova ohosakanya ira Davi aairele aIzarayeli yabure awongaga eraga: <<Kadowa wakontari indjiva wa aIzarayeli na akuda Juda.>>

1 Amwene 22:22

Evale liye ohowakula ira: <Miyo nnovenya, didowe dakale munemba onama vamulomoni va anamafiyiheda aye atene.> Mwa enne Yehova ohomuwakula ira: <Kavenya udowe wamunyenge. Tchoira wamunyenga, jinafuna we wonga, liye unoirana.> >>

1 Koronika 21:1

Satana ohofuna joatatamulela makani aIzarayeli, mwa enne ohomunyenga Davi ira aakontari aIzarayeli.

Izaiya 60:5

Weyo waza uona jatene eji, unoza ukayena hagalala undimuwa. Mmirimani mwawo munokana teyela no tamalela mwasiwa rayela wa bara unerege fiya wa weyo eto jorayela ja atu a vilambo datene jinerege za wa weyo.

Roma 14:15

Tchoira akala mbalawo unokukumuwa zela jinadja we, ku wonga weyo uhiya makalelo omuzivela. We kumunonge mbalawo wenno Kiristu umukwenle liye, muwari mwa jengo jinadja we.

Galasiya 5:12

Zela ale anaukukumulani na joineliwa jo, miyo dafuna nnga aliwa kakapalriwe.

Detoronomiyo 13:3

namafiyiheda wenno nari maliba roha wenno jowonga jaye kamuhare. Tchoira Yehova Mulugu wenyu unauwombezani ira auoneni akala nyo munomuziveliwa Yehova Mulugu wenyu na mmirimani mwenyu mwatene vamohi no kalawo wenyu watene.

2 Timoteyo 4:14

Alexandiri wenno unafwanyeya agali namahana momba ohodiirela ubure wohokala wa masika. So unafuna mutambilriha zela jabure jaye gu Nabwiya.

1 Samuweli 18:10

Mmetcheloni muwa, munemba wabure okumela wa Mulugu ule, ohomuzelaga mwene Sawuli. Evale liye ohoromaga sakanya jengo ja mihala mmba mwaye. Mwa enne Davi ohoroma imba arpa waye nnga molemelela. Tempu yenne Sawuli ohokana mwanango mmandani mwaye.

1 Samuweli 24:9

Evale Davi ohowongaga na Sawuli eraga: <<So mwene, kodi mwasiwa gwa nni nyo avuruwanaga atu anne anauwandelani ira: <Davi unafuna aupeni!>?

1 Samuweli 25:24

Evale Abigayeli ohokokoraga vamanyaloni vaye amuwandelaga eraga: <<Mbwiyeni, zela jatene jiireyile, unafuna rumelela gu miyene. Nnouvepani mudihiye miyo namalaba wenyu ira diwonge eto muvwe yenno inafuna miyo wonga.

1 Samuweli 27:1

Jagamanle jejile, mulombwana Davi ohoumbuwelaga mmirimani mwaye ira: <<Miyo eni vasogolro nnoza dipiwe na mwene Sawuli. Mbwenye ira mwene Sawuli ahadipe, inafwanela dikumemo mwilamboni muno, didowe dakalege mwilamboni mwa aFilistewu. Dadowa wewule, Sawuli unogoma disaka muwari mwa Izarayeli, era eno, nnovuluwa, kannakwa.>>