1 Samuweli 26:16 - Mazu Otchena a Mulungu

¹⁶ Kulabileve yengo. Miyo nnawonga vamentoni va Yehova okalawo ira nyo atenene mwafwanele mukwe bahi, tchoira kamuwandile muing'anela mwene wenyu, wenno uhambihiwe na Yehova. Kaing'anani, mwanango wa mwene na jaro yaye, jejo jafwanyeya miruzuni waye, jili waani?>>

1 Samuweli 26:16 ပူးပေါင်းရင်းမြစ်များ

2 Samuweli 12:5

Mwa enne mwene Davi ohotakaleliwaga na makalelo ohokala a masika zela maliba rayela ule. Evale ohowongaga na Nata eraga: <<Miyo nnawonga vamentoni va Yehova okalawo ira mutu wenno usakanyile jejo inafwanela apiwe.

2 Samuweli 19:28

Tchoira abali atene a babaga kohofwanela ira mwaape na ubure watene wanna atu zela nyo, mbwenye nyo mbwiyeni kamuirilena, muhuwanda divaha miyo upama, miyo djaga meza imohive na nyo. Miyo eto kadinnamo ira nnouvepani yengo imohiwa nyo so mwene!>>

1 Amwene 2:26

Noira eno, mwene Salomawu ohomuwongagana namakuta Abiyatare, liye kwi: <<Umaruwe udowege vande vawo ilambo ya Anatoti. Tchoira weyo uhufwanela kwa zela joira jawo. Mbwenye miyo kannaupa peno, mwasiwa weyo wagali na babaga Davi, wohotukula Kaxa ya Yopangana ya Nabwiya Yehova eto weyo wohovira mmakatamihoni mwatene mwemo mwavira babaga.>>

Efezo 2:3

Wanle hiyo atene nawenda na atu anno. Nairanave jengo jaziveliwa hiyo, jofuna ja maningo, hiyo iragana jengo jaumbuwela hiyo oka. Zela baliwa wehu, hiyo nalive ahima ofuna tongiwa na uwali wa Mulugu vamohi na atu atene.

1 Samuweli 20:31

Weyo kunaiziwa ira mwana Jese wenno ahakwe, weyo kuza ukala mwene eto kuza ukana umwene muwari mwa ilambwela?! Kadowa wamutukule, umuzena tchineneva, akwe!>>

1 Samuweli 24:6

Eto nomala ohowongaga na alombwana anne kafwanyeya na liye eraga: <<Miyo nnafuna ira Yehova awande dikamiheda ira miyo dahamuirele yabure ili yatene mbwiyaga Sawuli wenno Yehova umuhambihile liye ira akale mwene mwasiwa Yehova gumuhambihile.>>

1 Samuweli 26:11

Miyo mbwenye nnafuna Yehova adihiyihe ira dahampe mutu wenno umuhambihile liye! So mbwenye nafunaga, nidowe natukule mwanango unafwanyeya muruni waye ule na jaro ya mahindje ilivo, nidowege!>>

1 Samuweli 26:15

Davi ohowakulaga eraga: <<Kodi weyo uli mulombwana wapamene, owu kuli mulombwanene? Kodi weyo uli munyakondo wa ibaribari wa aIzarayeli? Nnga mwasiwa gwa nni uza wahawandaga muing'anela mwene wawo? Tchineneva ukala azile vevo ira ampe mwene, musogolrelri wawo. Eto weyo kuwandile muing'anela!

1 Samuweli 26:9

Davi mbwenye ohomuwakulaga Abizayi eraga: <<Nari, kumpe. Tchoira mutu wenne unatukule ndanda naye ampana mwene wenno Yehova umuhambihile liye, Yehova unomutonga.