1 Samuweli 26:15 - Mazu Otchena a Mulungu

¹⁵ Davi ohowakulaga eraga: <<Kodi weyo uli mulombwana wapamene, owu kuli mulombwanene? Kodi weyo uli munyakondo wa ibaribari wa aIzarayeli? Nnga mwasiwa gwa nni uza wahawandaga muing'anela mwene wawo? Tchineneva ukala azile vevo ira ampe mwene, musogolrelri wawo. Eto weyo kuwandile muing'anela!

1 Samuweli 26:15 ပူးပေါင်းရင်းမြစ်များ

2 Samuweli 3:38

Noira enne, mwene Davi ohowongaga na anamalabaye atene eraga: <<Kodi nyo kamuiziwile ira peno muwari mwa aIzarayeli uhukwa musogolrelri, mulombwana mulukulu?

Daniyeli 4:19

Mwa enne mulombwana Daniyeli wenno aitaniwa Beltesazare ohomalaga ora ya vang'onove agali okukumuwene eto akumbanyaga jabure jafuna nfwanya mwene. Evale mwenole ohomuwandelaga, liye ira: <<Beltesazare, kukukumuwe zela yoroha yaga, nne zela yotapuleliwa.>> Evale mulombwana Beltesazare ohomuwakulaga eraga: <<Mbwiyeni, yali yapama yoroha yenno iwonge zela anne anauidani. Eto yali yapama yotapuleliwa ilabege zela amwidaninyu! Mbwenye jabure jionne nyo jinafuna jufwanyeni nyo.

Matewuji 26:40

Awelelaga wali anamamuharaye, aafwannyege aliwa kagonaga. Evale liye ohowonga na Peduru eraga: <<Kodi kuwandile ing'anela vamohi na miyo ora imohi bahi?!

1 Samuweli 26:14

Evale Davi ohomukuwelaga Abineri mwana Neri vamohi na anyakondo atene a Sawuli eraga: <<Abineri we, kodi unodivwa?>> Mwa enne atenene kohorurumuwaga. Kagavwile itana ule, Abineri ohowongaga, liye ira: <<Kodi weyo unamukuwela mwene uli ani?>>

1 Samuweli 26:16

Kulabileve yengo. Miyo nnawonga vamentoni va Yehova okalawo ira nyo atenene mwafwanele mukwe bahi, tchoira kamuwandile muing'anela mwene wenyu, wenno uhambihiwe na Yehova. Kaing'anani, mwanango wa mwene na jaro yaye, jejo jafwanyeya miruzuni waye, jili waani?>>