1 Samuweli 26:12 - Mazu Otchena a Mulungu

¹² Evale Davi ohovenya, liye dowa tukula mwanango na jaro, jejo jafwanyeya miruzuni wa Sawuli ule, aliwa dowagana. Kalivo nne mutu mmohi aonilege, nne kalivo aiziwilege, nne kalivo arurumuwilege. Atenene keragave gona, mwasiwa Yehova gwairihilege ira aliwa atene kagone kove dilukulu.

1 Samuweli 26:12 ပူးပေါင်းရင်းမြစ်များ

Jenesesi 15:12

Yagafiyile ora ya tchiguwo, mulombwana Abaramu ohozeliwaga kove dilukulu, liye roma gona. Muwari mogona mule, yohozaga isi yohokala ya masika eto liye ohoroma ova.

Jenesesi 2:21

Evale Yehova Mulugu ohomugoniha mulombwana Adawu kove dilukulu mayiji. Evale mulombwanole agagonne, Yehova ohokumihawo mbaru imohi ya mulombwanole, nomala liye fungavo na munoku nnga mwakalele atu.

Izaiya 29:10

Tchoira Yehova umala uzelihedani kove dilukulu. Umala eto ufungani meso enyu anno anafwanyeya kagali anamafiyiheda enyu. Liye umala kunela miru denyu dedo nnafwanyeya dagali anamaona.

1 Samuweli 24:4

Evale alombwana kawendetcha na mulombwana Davi kagamuonne Sawuli agazile nifukweni wafwanyeya atu ule, kohomuwandelaga mulombwana Davi keraga: <<Peno mbwenye inaireya yenno yawongile Yehova ira: <Miyo nnouvaheda mwidanawo mmandani mwawo ira umuirele yenno inanfunana we!> >> Mbwenye Davi kampilege, so avenyilege momuzembela, liye gwada magomo wa kapa ya mwene Sawuli, mwinnya ahaonagawo.

1 Samuweli 26:13

Davi agatukunle jejile oholambuwaga ndabo, liye dowa kombela ya ule. Liye dowa gwela vazulu va nkuma olapa bure, olapela wene na vamusasani va Sawuli vale.

1 Samuweli 26:7

Mwa enne mahiyu mamohive anne Davi na Abizayi kohomaruwaga, aliwa dowa fiya vamusasani va anyakondo a Sawuli. Kanfwannyege Sawuli agonaga eto mwanango waye agazoromeyiwe vati wandamelana miruzuni waye ule. Eto Abineri na atu atene kagonantilege kagamuwerewerile mwene Sawuli.