1 Samuweli 25:34 - Mazu Otchena a Mulungu

³⁴ Ahakala weyo ubaranya uza ugumana na miyo, nnawonga vamentoni va Yehova Mulugu Okalawo wa aIzarayeli wenno udihiyihile peno sakanya yabure zela nyo ira fiyeda metchelo unde watchege atu nizagawo nzuwa, kalivo afuna hala muwari mwa alombwana atene a mulombwana Nabali.>>

1 Samuweli 25:34 ပူးပေါင်းရင်းမြစ်များ

Jenesesi 20:6

Evale Mulugu ohomuwakula morohani eraga: <<Miyo dihiiziwa ira na ibaribari weyo uirilena na mmirimani mwawo mwatene dahaiziwaga yengo tchivi. Nona miyo dukondiha gona na liye ira wahaditegele.

Jozuwe 10:6

Evale akuda Jibeyawu ale koharuma atu ira kadowe misasani wali mulombwana Jozuwe ilambo ya Jiligali ira kamuwandele ira: <<Muze mobaranya munivulumutche eto munikamihede hiyo anamalabinyu. Kamunihiye hiyo okave, mwasiwa amwene atene a Amore anakala mmwangoni kohogumanela ira kaze kawane na hiyo.>>

Jozuwe 10:9

Evale Jozuwe vamohi na atwaye kagakumile Jiligali, kohomalaga mahiyu anne kawendaga. Mwa enne, kohatwanyuwelaga aAmore ale mobaranya moarendjetcha, roma wana na aliwa.

1 Samuweli 11:11

Mmetcheloni muwa unde wahanatche pama, mulombwana Sawuli ohagawa alombwana anna liye makuru mararu. Unde utchaga aliwa kohovenyihanaga, aliwa dowa vamisasani vevo vakala aAmoni, aliwa roma wana. Ante fiyeda ora ya ntana kohomalaga apa akuda Amoni adjindjene. Mbwenye ale kavuluwile kahapiwa kohomwadeyaga kada mutu ayaga waye wene, aliwa tawa.

1 Samuweli 25:18

Abigayeli agavwile mazu anne, mobaranya ohotukula pawu 200, makantilu menli osakanyiwa na matembe a anavinyama mwagazanle vinyu, mabila matanu owotchiwa, na kilu 17 da tirigu owaringa, vitazi 100 da uva oumma, mabolu 200 osakanyiwa na jovaha ja mufigera jagali joumma. Jatene jejile ohogwelihaga vaburuni.

1 Samuweli 25:22

Unde wafiyeda tcha miyo dahaapile alombwana atene a Nabali, Mulugu aditonge na makalelo anafuna liye.>>

1 Samuweli 25:26

Dizaga eni mbwiyeni, ilukuluwa inafwanela muiziwe ira gu Yehova udirumile malro ouhiyihani ira nyo mbwiyeni mwahawande aweliheda kunyakunya amwidaninyu, nne mwahavuvihe sangiri newa. Mbwenye miyo peno nnawonga vamentoni venyu vamohi na vamentoni va Yehova ira miyo nnafuna nnga amwidaninyu vamohi na atu atene anafuna jouirelani ubure, katongiwe na makalelo nnga anafuna tongiwa Nabali.

1 Samuweli 25:39

Evale Davi agavwile ira Nabali uhukwa, ohowongaga eraga: <<Yehova atamaleliwe! Mwasiwa liye uhumuweliheda kunyakunya mulombwana Nabali na mwasa odiruwana miyo. Eto Yehova atamaleliwe na mwasa oira odihiyiha miyo ira dahamuirele yabure Nabali, mbwenye liye mwinnya uhumpa na mwasa wa yabure yasakanyile liye.>> Nomala enne, Davi oharuma atu eraga: <<Mudowe mwamuwandele Abigayeli ira: <Davi unafuna ira autele.> >>