1 Samuweli 25:26 - Mazu Otchena a Mulungu

²⁶ Dizaga eni mbwiyeni, ilukuluwa inafwanela muiziwe ira gu Yehova udirumile malro ouhiyihani ira nyo mbwiyeni mwahawande aweliheda kunyakunya amwidaninyu, nne mwahavuvihe sangiri newa. Mbwenye miyo peno nnawonga vamentoni venyu vamohi na vamentoni va Yehova ira miyo nnafuna nnga amwidaninyu vamohi na atu atene anafuna jouirelani ubure, katongiwe na makalelo nnga anafuna tongiwa Nabali.

1 Samuweli 25:26 ပူးပေါင်းရင်းမြစ်များ

Jenesesi 20:6

Evale Mulugu ohomuwakula morohani eraga: <<Miyo dihiiziwa ira na ibaribari weyo uirilena na mmirimani mwawo mwatene dahaiziwaga yengo tchivi. Nona miyo dukondiha gona na liye ira wahaditegele.

2 Samuweli 18:32

Davi ohonfukaga, liye ira: <<Nnga muzombwe Abisalawu uli wapamene?>> Nkuda Kusi ule ohowakulaga eraga: <<Mbwiyeni so mwene, ili yapama imuireyele muzombole ikale inafuna aireyela amwidaninyu na atene anavenya ira kauireleni ubure!>>

2 Amwene 2:2

Aliwa kavenyihanaga, Eliya ohomuwandela Elizewu, liye ira: <<Urome kala eva, mwasiwa Yehova udirumile ira didowe Beteli.>> Mbwenye Elizewu ohowakulaga eraga: <<Miyo nnawonga vamentoni va Yehova na vamentoni venyu ira miyo kannauhiyani!>> Mwa enne kohodowaga Beteli vamohi.

2 Amwene 4:6

Mwa enne jombwe jabolihile atu jile jagamanle zala jatene, muhiyanole ohomuwongagana mwanaye mmohi, liye ira: <<Kadivahe yombwe imohiwa.>> Mbwenye mwanaye ule ohomuwakulaga eraga: <<Kiliwo yombwe imohiwa yohala.>> Noira enne, azeti ule ohopararigi.

Daniyeli 4:19

Mwa enne mulombwana Daniyeli wenno aitaniwa Beltesazare ohomalaga ora ya vang'onove agali okukumuwene eto akumbanyaga jabure jafuna nfwanya mwene. Evale mwenole ohomuwandelaga, liye ira: <<Beltesazare, kukukumuwe zela yoroha yaga, nne zela yotapuleliwa.>> Evale mulombwana Beltesazare ohomuwakulaga eraga: <<Mbwiyeni, yali yapama yoroha yenno iwonge zela anne anauidani. Eto yali yapama yotapuleliwa ilabege zela amwidaninyu! Mbwenye jabure jionne nyo jinafuna jufwanyeni nyo.

Eberewu 10:30

Tchoira hiyo nihimuiziwa wenno uwongile ira: <<Weliha kunyakunya kwaga. Miyo nnomuweliheda kada mutu zela mabasa alabile liye.>> Inakala nnga ilrembiwe mMazuni ira: <<Nabwiya unoatonga atwaye.>>

1 Samuweli 1:26

Kagamudowilena wa Eli, Ana ohowongaga na namakuta Eli eraga: <<Mbwiyeni, nnowonga vamentoni venyu, miyo dili muhiyana mwadionnege nyo siku nne diza dilobelaga vamentoni va Yehova, mudionaga nnga dali maliba lrezelra.

1 Samuweli 2:9

Liye unokoya vingumi da atwaye anne anamuroromela. Mbwenye atu abure unoahiya ira kadimele muisini, tchoira kalivo unawanda gondjiha muwari mwa kopolo daye ekave.

1 Samuweli 20:16

Jonata eto ohosakanya yopangana ira awandane na Davi na atu a muibalini mwaye eraga: <<Miyo so nnafuna Yehova aawelihede kunyakunya amwidani atene a Davi.>>

1 Samuweli 20:3

Davi ohowongagave na Jonata eraga: <<Miyo nnalumbela ira babawo uhuiziwa ira weyo udifwewela murima. Nona liye hauwandelaga, mwasiwa uhuiziwa ira: <Mwanaga Jonata uhuwandana na Davi. Dera dimuwandele ira nnafuna dimpe Davi, liye unerege kana kukumuwa ulukulu mmirimani mwaye.> >> Davi ohowongagave eraga: <<Miyo mbwenye nnawonga vamentoni va Yehova okalawo eto nnawonga vamentoni vawo ira miyo na ibaribari eni ukwa unodihara, uli vakwikwive na miyo!>>

1 Samuweli 22:3

Nomala enne, Davi ohovenyihanaga, liye dowa Mizipa ilambo ya Mowabe. Agadowile wewule, ohonfwanyaga mwene wa wewule, liye nvepa ira: <<Miyo nnouvepani ira mmaga na babaga kaze kakalege wewuno, fiyeda dione Mulugu inadiirele liye!>>

1 Samuweli 25:25

Yoroma mbwiyeni inafwanela jatene jiwongile mulombwana Nabali mudiwale. Tchoira Nabali gu mulombwana wabure. Liye na ibaribari makalelo aye analinganave na nzina naye neno. Mwasiwa nzina na Nabali nnatapulela uzimora eto liye gu zimora. Mbwenye alombwana anno mwaarumile nyo kagazile, miyo namalaba wenyu kadaaonne.

1 Samuweli 25:39

Evale Davi agavwile ira Nabali uhukwa, ohowongaga eraga: <<Yehova atamaleliwe! Mwasiwa liye uhumuweliheda kunyakunya mulombwana Nabali na mwasa odiruwana miyo. Eto Yehova atamaleliwe na mwasa oira odihiyiha miyo ira dahamuirele yabure Nabali, mbwenye liye mwinnya uhumpa na mwasa wa yabure yasakanyile liye.>> Nomala enne, Davi oharuma atu eraga: <<Mudowe mwamuwandele Abigayeli ira: <Davi unafuna ira autele.> >>

1 Samuweli 26:10

Miyo nnawonga vamentoni va Yehova okalawo ira liyene mwinnya unompa, hiya kala miyo. Owu hehi liye podi kwa siku naye nafiya. Owu hehi liye podi kwa kondoni!