1 Samuweli 25:23 - Mazu Otchena a Mulungu

²³ Evale Abigayeli agamuonne Davi azelaga ha wewule, ohotitaga vaburuni vale mobaranya, liye dowa mukokorela mulombwana Davi afiyihaga kove yaye vati.

1 Samuweli 25:23 ပူးပေါင်းရင်းမြစ်များ

2 Samuweli 1:2

Siku naneraru, ohokalaga muzombwe mmohi azilege akumaga kapamentoni wa mwene Sawuli. Muzombole azilege na jowara jaye jagamanle kauwa eto mmuruni mwaye mwatene mwagali pii na teya. Liye agazile, ohofiyaga vamentoni va mulombwana Davi amukokorelaga momuriheda.

2 Samuweli 14:4

Evale mwana muhiyana wa Tekowa ule ohodowa vamentoni va mwene Davi. Aganfwanyile mwene Davi, ohomukokorelaga afiyihaga kove yaye vati. Evale ohoromaga wonga eraga: <<Miyo so mwene nnouvepani ira mudivulumutche.>>

2 Samuweli 18:28

Mulombwana Ayimazi ule agazile, aganfwanyile mwene Davi, ohomukuwelaga eraga: <<Jatene jili japama jene.>> Noira enne, ohozaga, liye mukokorela mwene Davi, aoramihaga kove yaye ante fiyiha vati, liye kwi: <<Otamaleliwa akale Yehova Mulugu wenyu, wenno waavelenle mmandani mwihu amwidaninyu anno kafuna joupani nyo mbwiyeni so mwene!>>

2 Samuweli 9:6

Evale mulombwana Mefibozeti, mwana Jonata, Sawuli muzuliye, ohozaga wa Davi. Afiyaga ohoworama afiyihaga kove yaye vati, muwari momuriheda. Noira enne, Davi ohomuitanaga eraga: <<Mefibozeti!>> Liye ohowakulaga eraga: <<Gu miyene namalaba wenyu!>>

1 Koronika 21:21

Davi afiyaga vali Arawuna vale, Arawuna ohoing'anaga, liye muona Davi azaga. Evale ohokumelela va nimburo nobubudavo jalo nne, liye mukokorela Davi, aoramihaga kove yaye ante fiyiha vati.

Jozuwe 15:18

Evale Akisa agadowile wa mamunaye Otoniyeli, ohomukanyiheda mamunaye ule ira adowe wa moyaye, anvepe munda. Eto agomenle wonga na Kalebi ali mwanaye Akisa ule. Akisa atitaga vaburuni vaye, Kalebi ohonfuka ira: <<Katchiye! Kodi unafuna nni?>>

Anamasogolrelra 1:14

Evale Akisa agadowile wa mamunaye Otoniyeli, ohomukanyiheda mamunaye ule ira adowe wa moyaye, anvepe munda. Eto agomenle wonga na Kalebi ali mwanaye Akisa ule. Akisa atitaga vaburuni vaye, Kalebi ohonfuka ira: <<Katchiye! Kodi unafuna nni?>>

Ruti 2:10

Evale Ruti ohokokoraga, aoramihaga kove yaye ante fiyiha vati eraga: <<Kodi mwasiwa gwa nni nyo difwewelaga murima, ante nyo fiyedaga dibalra na makalelo anna agali miyo dili mutu oza?!>>

1 Samuweli 20:41

Mwana muzombwe ule agavennyevo, Davi ohovituwa hela wa mabwe waligi liye ule, liye dowa vali Jonata vale, liye mukokorela fendo taru afiyihaga kove yaye vati. Evale aliwa kohobejarigina kanlaga. Eto nla wa Davi wohosimbwaga, hiyaniha no nla wa Jonata.

1 Samuweli 24:8

Mwa enne Sawuli agakumile, adowaga, Davi na liyene ohokumaga, liye roma muitanaga, liye ira: <<Mbwiyeni so mwene!>> Sawuli funa ing'ana mundulri, unamuona Davi. Evale Davi muwari momuriheda nnga mwene, ohomukokorelaga, aoramihedaga kove yaye vati.

1 Samuweli 25:24

Evale Abigayeli ohokokoraga vamanyaloni vaye amuwandelaga eraga: <<Mbwiyeni, zela jatene jiireyile, unafuna rumelela gu miyene. Nnouvepani mudihiye miyo namalaba wenyu ira diwonge eto muvwe yenno inafuna miyo wonga.

1 Samuweli 25:41

Evale Abigayeli ohovenya, liye kokora afiyihaga kove yaye vati eraga: <<Miyo kadinna makani. Nnofuna ira didowe dahuwege manyalo a anamalaba a mbwiyaga.>>