1 Samuweli 25:21 - Mazu Otchena a Mulungu

²¹ Mbwenye Davi za waye ali woira: <<Miyo dihimala tempu ilukulu dikoyaga jorayela ja Nabali muisalesaleni vasayi vene. Kilivo yengo ili yatene yaye idimenle. Eto peno zela jatene japama jalabile hiyo, liye udiwelihedile ubure!

1 Samuweli 25:21 ပူးပေါင်းရင်းမြစ်များ

Jenesesi 44:4

Aliwa kagakumile musidadi mule, kagawendile vang'ono, kahanasuse, Joze ohomuwandela namalabaye wenno ali musogolrelri wa vande vaye, liye ira: <<Uvenye waahare alombwanale. Waafwanya wire: <Kodi mwasiwa gwa nni hiyo nagamanle uirelani upama, nyo niwelihedaga ubure?

Roma 12:21

Kamugondjihiwe na ubure, mbwenye nyo mugondjihege ubure moirana japama.

Efezo 4:26

Mwatakaleliwa, kamutegege. Kamuhiye nzuwa vira mwagalive otakaleliwene.

Efezo 4:31

Nyo mbwenye muhiye makalelo matene onyunya, uwali, kangana, ruwana, luluvihana. Muhiye eto makalelo matene oidana.

1 Tesalonika 5:15

Mwamuona nfwinyu ira unafuna amuwelihede nfwaye kunyakunya, muwande muhiyiha. Mwaairelege atu atene upama masiki mukalele nyo nari atu atene.

1 Peduru 3:17

Tchoira akala Mulugu unanfunana mutu ira aonihiwe goyi, ili pama mutu aonihiwe goyi na mwasa oirana upama, hiyaniha no onihiwa goyi na mwasa oirana jabure.

1 Peduru 3:9

Mutu auirela ubure, weyo kumuwelihede ubure wakokene. Eto mutu auruwana, weyo kumuwelihede ruwana wakoka wene. Mofutukula inafwanela mwaarelihege. Tchoira Mulugu uitanileni ira mwaarelihege atu ira na nyenne muwande watchela mareliho.

1 Samuweli 25:13

Evale Davi agavwile enne ohawandelaga atwaye ale eraga: <<Bahi, kamangelelani masupada enyu mmwinini mwinyu.>> Davi agawongile enne, na liyene ohotukulaga supada naye, liye mangelela mmwinini. Evale ohovenyihana na alombwana 400, amohiwa 200 aliwa hala ira kaing'anelege mitolro diwa.

1 Samuweli 25:15

Mbwenye hiyo nikumbuzaga mabila, nihimala tempu ilukulu nikalaga na alombwana a Davi. Aliwa kerave niirela upama. Hiyo kaniireliwe yabure. Eto niwendaga na aliwa, kilivo yengo yehu idimenle.

1 Samuweli 25:20

Evale liye ohovenyihanaga, liye gwela vaburuni vaye roma aharaga. Mbwenye adowagave agali vanipedini va mwango, ohogumanaga na mulombwana Davi vakuruvani azaga vamohi na atwaye.

1 Samuweli 25:7

Davi uhuvwa ira nyo munasata mawoya a mabila enyu. Anamakumbuza enyu vazile atu wa hiyo, kadjihaga mabila enyu, hiyo nohatambilra na makalelo apama eto nne tempu yatene yali atu Karimelo kilivo yengo yewa ili yatene idimenle.