1 Samuweli 25:18 - Mazu Otchena a Mulungu

¹⁸ Abigayeli agavwile mazu anne, mobaranya ohotukula pawu 200, makantilu menli osakanyiwa na matembe a anavinyama mwagazanle vinyu, mabila matanu owotchiwa, na kilu 17 da tirigu owaringa, vitazi 100 da uva oumma, mabolu 200 osakanyiwa na jovaha ja mufigera jagali joumma. Jatene jejile ohogwelihaga vaburuni.

1 Samuweli 25:18 ပူးပေါင်းရင်းမြစ်များ

2 Samuweli 16:1

Mbwenye mwene Davi agakwaranyile vang'ono vazulu va mwango vale, mulombwana Ziba, namalaba wa Mefibozeti, ohozaga gumana na liye. Liye ohazagana aburu ambinli kaganna yogaratela vazulu viwa, kagatukunle pawu 200 na mazamwa 100 a uva oumma, na mazamwa 100 a jovaha jimohi jiwa, na kantilu mmohi osakanyiwa na tembe mwagazanle vinyu.

1 Koronika 12:40

Eto atu kali vakwikwive na ale kali olapela nnga atu a malogo a Isakari, Zebuloni na Nafitali kohazelana jodja jidjindji kagagwelihile va aburu, akamelo, akavaru na ng'ombe. Jengo jiwa ti ji: Utu, mabolu osakanyiwa na jovaha ja mufigera, uva oumma, vinyu, azeti, ng'ombe na mabila. Mwasiwa mwilamboni mwa Izarayeli mohokala hagalala.

Matewuji 5:25

<<Mutu akana mulandu na weyo, wamuona ira unafuna afiyena wa anamatonga, inafwanela unfwanye mundila mwahanafiye matongelo, uvayele rumela jiirile we. Tawiha ira nfwawole liye podi dowa usumela vamentoni va namatonga. Evale namatonga unouvaheda mmandani mwa gwarda, liye ufungela mukadeya.

1 Samuweli 17:17

Muwari mwa malambo anne mulombwana Jese ohomuwandela mwanaye Davi, liye ira: <<Kavenya mobaranya, utukule kilu kumi da tirigu owaringa ula, na pawu kumi di udowena waavahe abalawo kapamentoni wewo unafwanyeya atu.

1 Samuweli 25:17

Muumbuwele pama jejo ira muone kodi yengo tchivi inafuna nyo iranavo. Mwasiwa yenno inomuzelana patarawihu makatamiho, vamohi na abalaye. Tchoira patarawihu gu mutu wabure, kalivo unawanda muwongana yengo.>>

1 Samuweli 25:34

Ahakala weyo ubaranya uza ugumana na miyo, nnawonga vamentoni va Yehova Mulugu Okalawo wa aIzarayeli wenno udihiyihile peno sakanya yabure zela nyo ira fiyeda metchelo unde watchege atu nizagawo nzuwa, kalivo afuna hala muwari mwa alombwana atene a mulombwana Nabali.>>