1 Samuweli 25:17 - Mazu Otchena a Mulungu

¹⁷ Muumbuwele pama jejo ira muone kodi yengo tchivi inafuna nyo iranavo. Mwasiwa yenno inomuzelana patarawihu makatamiho, vamohi na abalaye. Tchoira patarawihu gu mutu wabure, kalivo unawanda muwongana yengo.>>

1 Samuweli 25:17 ပူးပေါင်းရင်းမြစ်များ

2 Samuweli 24:13

Evale namafiyiheda Gadi agawandeliwe mazwale, ohodowaga nfwanya Davi, liye kwi: <<Yehova unouvaha jabure taru ji ira usakulrevo. Kodi weyo unafuna ira mwilamboni mwawo muze ndala fiyeda yaka taru? Owu unafuna umale medi miraru amwidanawo kautamangihaga? Owu unafuna ira mwilamboni mwawo muze itukwa ya atu kakwaga fiyeda malambo mararu? Uumbuwele inafuna we sakulra muwari mwa jabure taru ji ira miyo didowe damuwandele Yehova wenno udirumile!>>

1 Amwene 21:10

Mwaira eno, mwaasakulre alombwana ambinli otakala mirima kadowe sogolro ule, kamusumele ira: <Eni weyo uhumululuviha Mulugu eto uhumululuviha mwene.> Era eno mmutukule liye, mmukumihede unde wa sidadi, mudowe mwampe na mabwe.>>

1 Amwene 21:13

Noira enne, kohozaga alombwana ambinli otakala mirima, aliwa dowa garati sogolro wa mulombwana Naboti ule. Mwa enne alombwana otakala mirima ale kohoromaga wonga mazu abure omusumela Naboti vamentoni va atu atene keraga: <<Mulombwana Naboti uhumululuviha Mulugu eto uhumululuviha mwene.>> Mwa enne kohomudowagana unde wa sidadi, aliwa roma nvoka mabwe, liye fiyeda kwa.

Detoronomiyo 13:13

mwavwa ira kohokalawo alombwana angasi angasi kakumile muwari mwa nyo kadowa kawongaga mazu oaholotcha atu anafwanyeya muwari mwa sidadi yewa, kawongaga keraga: <Ndoweni naaharegeni amilugu amohiwa>, amilugu anno mwahaaiziwile nyo,

Anamasogolrelra 19:22

Evale aliwa kahagalalaga, kohokalawo alombwana a sidadile kavenyilege, alombwana otakala mirima, aliwa za rindja nyumbele. Mwa enne kohoromaga gogoda musuwo kamukuwelaga mundimuwole mwinnya wa vande vale, keraga: <<Kamukumihede unde uno mulombwana uzile vande vawo vano ira hiyo nimugonena.>>

1 Samuweli 10:27

Mbwenye alombwana amohiwa otakala mirima, kohowongaga keraga: <<Iyaa, kodi Sawuli okala ha wenne unowanda niwombola mmandani mwa amwidani?>> Aliwa eto kohomulramwisa Sawuli fiyeda hanvaha mivaho nnga dedo danvaha atu amohiwa. Mbwenye Sawuli ohomiyalaga jaye nne kawongilegeve yengo.

1 Samuweli 2:12

Mulombwana Eli ahimaye kali atu ohokana mabasa, nne Yehova tchambalra.

1 Samuweli 20:7

Wawonga eno, unvwa liye arumela ira: <Ihikala pama!>, ku wonga miyo kadinna makani na liye. Mbwenye umuona liye atakaleliwa, weyo uvayele iziwa ira liye uhukanamo ira adiirele miyo yengo yabure.

1 Samuweli 20:9

Jonata ohomuwandela ira: <<Kuumbuwelege jejo! Kodi ahakanlege miyo diiziwa wanle ira babaga unofuna jouirela yabure, miyo vano kadaza duwandela?>>

1 Samuweli 25:16

Aliwa banibarela ntana na mahiyu nnga muru wa sidadi, tempu yatene yamanle hiyo vamohi na aliwa. Aliwa kakaletchave na hiyo nikumbuzaga mabila.

1 Samuweli 25:18

Abigayeli agavwile mazu anne, mobaranya ohotukula pawu 200, makantilu menli osakanyiwa na matembe a anavinyama mwagazanle vinyu, mabila matanu owotchiwa, na kilu 17 da tirigu owaringa, vitazi 100 da uva oumma, mabolu 200 osakanyiwa na jovaha ja mufigera jagali joumma. Jatene jejile ohogwelihaga vaburuni.

1 Samuweli 25:25

Yoroma mbwiyeni inafwanela jatene jiwongile mulombwana Nabali mudiwale. Tchoira Nabali gu mulombwana wabure. Liye na ibaribari makalelo aye analinganave na nzina naye neno. Mwasiwa nzina na Nabali nnatapulela uzimora eto liye gu zimora. Mbwenye alombwana anno mwaarumile nyo kagazile, miyo namalaba wenyu kadaaonne.