1 Samuweli 24:7 - Mazu Otchena a Mulungu

⁷ Mwa enne Davi ohaonelrihedagamo atu kafwanyeya na liye ale, liye akondihaga ira kahamuirele yabure mwene Sawuli. Evale Sawuli ohovenyaga, liye kuma nifukweni ule, tukula ndilaye, liye dowaga.

1 Samuweli 24:7 ပူးပေါင်းရင်းမြစ်များ

2 Samuweli 1:14

Evale Davi ohowelelave nfuka eraga: <<Kodi weyo uwandile avi tukula ndanda nawo we mpana mulombwana wenno uhambihiwe na Yehova?>>

Matewuji 5:44

Miyo mbwenye nnauwandelani ira mwaaziveliwege amwidani enyu eto mwaalobelelege atu anne anauharaharani

1 Samuweli 12:3

Miyo peno dili vamentoni venyu. Akala dihisakanya yengo yabure, muwari mwa utongi waga watene, muwonge tchineneva vamentoni va Yehova na vamentoni va mwene wenno umuhambihile liye. Muwonge akala miyo dilabaga mabasaga matene dihitukula ng'ombe nari buru wa mwinnya nari akala miyo dohomudjelra mutu nari akala dihibabiha muharahara mutu. Akala dohowatchela kunya ya mutu ira dimutongele milandu daye pama, muwonge. Akala miyo dihiirana mwa jengo jatene jiwongile miyo ji, muwonge ira diwelihe.>>

1 Samuweli 24:6

Eto nomala ohowongaga na alombwana anne kafwanyeya na liye eraga: <<Miyo nnafuna ira Yehova awande dikamiheda ira miyo dahamuirele yabure ili yatene mbwiyaga Sawuli wenno Yehova umuhambihile liye ira akale mwene mwasiwa Yehova gumuhambihile.>>

1 Samuweli 24:8

Mwa enne Sawuli agakumile, adowaga, Davi na liyene ohokumaga, liye roma muitanaga, liye ira: <<Mbwiyeni so mwene!>> Sawuli funa ing'ana mundulri, unamuona Davi. Evale Davi muwari momuriheda nnga mwene, ohomukokorelaga, aoramihedaga kove yaye vati.

1 Samuweli 25:33

Mulugu aurelihe na mwasa wa zelru dawo datene disakanyile we peno va. Tchoira ahakalaga weyo, miyo peno dafuna dasakanye yabure, ditatile sangiri na atu vasayi vene. Dafuna didowe dawelihe kunyakunya miyo damwinnya.

1 Samuweli 26:23

Yehova unomutambilriha kada mutu zela ipama yaye no roromeleya waye. Liye peno ohodivaheda nyo mmandani mwaga. Mbwenye kavili jowandeya ira miyo dimuirele yabure mutu ohambihiwa na Yehova.

1 Samuweli 26:9

Davi mbwenye ohomuwakulaga Abizayi eraga: <<Nari, kumpe. Tchoira mutu wenne unatukule ndanda naye ampana mwene wenno Yehova umuhambihile liye, Yehova unomutonga.