1 Samuweli 24:11 - Mazu Otchena a Mulungu

¹¹ Kaing'anani babani, magomo wa kapa yenyu ila mmandani mwaga mu! Miyo gugwadile magomo wa kapa yenyu, mwagali nifukweni ule, mbwenye kadifunne upani. Nona peno munowanda iziwa eto munowanda kana ibaribari ira miyo kannafuna jowanaga na nyo andimuwa, nne kannafuna uirelani yabure ili yatene. Miyo dohoiziwa ira nyo na ibaribari munadisaka miyo ira mudipe. Mbwenye masiki eno, miyo kadusakanyeleni yabure.

1 Samuweli 24:11 ပူးပေါင်းရင်းမြစ်များ

2 Samuweli 1:14

Evale Davi ohowelelave nfuka eraga: <<Kodi weyo uwandile avi tukula ndanda nawo we mpana mulombwana wenno uhambihiwe na Yehova?>>

2 Amwene 5:13

Mbwenye anamalabaye kohodowaga muwandela keraga: <<Babani, ahakale namafiyiheda auvepani ira muirena yengo yorutcha, kodi kamwairana? Eto fwanyeya ira iwongile liye kahi yengo yorutcha, nari. So uwongile ira mudowe mwahambe, era eno, munovulumuwa.>>

Juwawu 15:25

Mbwenye jatene ejo jinaireyela ira jikwakwanelihede jolremba jejo jinafwanyeya mmalamuloni mwewa ira: <Aliwa kohodiida vahali mwasa.>

1 Samuweli 12:3

Miyo peno dili vamentoni venyu. Akala dihisakanya yengo yabure, muwari mwa utongi waga watene, muwonge tchineneva vamentoni va Yehova na vamentoni va mwene wenno umuhambihile liye. Muwonge akala miyo dilabaga mabasaga matene dihitukula ng'ombe nari buru wa mwinnya nari akala miyo dohomudjelra mutu nari akala dihibabiha muharahara mutu. Akala dohowatchela kunya ya mutu ira dimutongele milandu daye pama, muwonge. Akala miyo dihiirana mwa jengo jatene jiwongile miyo ji, muwonge ira diwelihe.>>

1 Samuweli 18:27

mulombwana Davi na alombwana aye kohovenyaga, aliwa dowa apa aFilistewu 200. Mwa enne liye ohagwadagawo jafuna mwene jile, nomala eno ohotukulaga jatene, liye dowa nvaheda mwene Sawuli ira atele. Evale Sawuli ohonvaheda mwanaye Mikali, liye mutela.

1 Samuweli 23:14

Davi agatawile musidadi mule, adowile kalaga mamburo ofwanela tawelamo kafwanyeya ilambo ya mmwangoni muisalesaleni mwa Zife. Eto malambo matene mwene Sawuli omusaketchave Davi ira ampe. Mbwenye Mulugu ohosakanya ira Sawuli amusakaga Davi, ahawande muona.

1 Samuweli 23:23

Mudowe mwawendelele pama pama mamburo munavitaletcha liye. Mwamala wendelela, muze mudiwandele ira nidowe vamohi, damuhinde. Na ibaribari liye akala wewo, masiki akuda Juda kaindjive, nnonfwanya.>>

1 Samuweli 25:28

Nnouvepani ira mudikurumuwele yabure isakanyile miyo namalaba wenyu mwasiwa vasogolro Yehova unosakanya ira nyo mbwiyeni mukale mwene vamohi na ahima munaabalege nyo. Jatene ejo Yehova unoirana mwasiwa nyo mbwiyeni munowana mukondoni mwatene munaurumani Yehova. Kalawo wenyu watene, kamuza mufwanyeyana yabure ili yatene.

1 Samuweli 26:18

Nnga mwasiwa gwa nni nyo mbwiyeni munadiharaharela nyo, miyo namalaba wenyu? Miyo diirile avi? Kodi disakanyile yabure nni?

1 Samuweli 26:20

Kamudihiye ira miyo dikwele ilambo yowendela, olapela na Yehova! Mwasiwa gwa nni nyo mwene wa Izarayeli divendaga itutu imohi nnga ha miyene? Kodi mwasiwa gwa nni mukalelaga ditamangiha mundulri mwaga nnga mutu asayaga mbalrame ya mmwangoni.>>

1 Samuweli 26:23

Yehova unomutambilriha kada mutu zela ipama yaye no roromeleya waye. Liye peno ohodivaheda nyo mmandani mwaga. Mbwenye kavili jowandeya ira miyo dimuirele yabure mutu ohambihiwa na Yehova.