1 Samuweli 23:9 - Mazu Otchena a Mulungu

⁹ Eto na Davi wenne ohovwaga ira: <<Eniva mwene Sawuli unafuna aze awane na nyo!>> Davi agavwile enne, ohomuwandela namakuta Abiyatare mwana Aimeleki ule, liye ira: <<Kazana uno kuleti ya unamakuta ira ninfukena Yehova inafuna hiyo ira.>>

1 Samuweli 23:9 ပူးပေါင်းရင်းမြစ်များ

1 Amwene 2:26

Noira eno, mwene Salomawu ohomuwongagana namakuta Abiyatare, liye kwi: <<Umaruwe udowege vande vawo ilambo ya Anatoti. Tchoira weyo uhufwanela kwa zela joira jawo. Mbwenye miyo kannaupa peno, mwasiwa weyo wagali na babaga Davi, wohotukula Kaxa ya Yopangana ya Nabwiya Yehova eto weyo wohovira mmakatamihoni mwatene mwemo mwavira babaga.>>

Joira ja Anamarumiwa 14:6

Mbwenye, mulombwana Pawulo na Barnabe kagavwile jejile, kohovenyihana, aliwa tawa, dowa Listira na Derebe, sidadi dedo dafwanyeya muwari mwa porovinsiya ya Likoniya, aliwa dowa vilambo dowandamelana wewule.

Joira ja Anamarumiwa 9:24

Kohodowa muvitalela mmamilangoni mwatene movolowela no kuma sidadi yatene ya Damaxiku ira kampe. Mbwenye jejo jahanaireye, Sawulo ohovwa yafuna atu muirela.

1 Samuweli 10:22

Noira enne, kohonfuka Yehova, aliwa ira: <<Kodi mutu usakulriwe uli veva?>> Yehova ohowakula, liye ira: <<He uli veva. Eni uvikoyile ule unafwanyeya mitolro ule.>>

1 Samuweli 14:18

Evale Sawuli ohomuwandela namakuta Ayiya eraga: <<Kazana uno kuleti ya unamakuta ira niwombezeni yofuna ya Mulugu!>> Tchoira mwa malambo anne Sawuli na anyakondwaye a Ana Izarayeli kawendaga, kowenda na namakuta Ayiya wenno anna kuleti ya unamakuta.

1 Samuweli 22:20

So mbwenye avuluwilege aligi mwana Aimeleki mmohi aitaniwa Abiyatare, muzula wa Ayitube. Evale liye agavuluwile, ohotamangaga, liye tawela ilambo yafwanyeya mulombwana Davi, liye dowa gumana na Davi.

1 Samuweli 23:10

Evale Davi ohonfukaga Mulugu eraga: <<Nyo Yehova Mulugu wa aIzarayeli, miyo namalaba wenyu Davi dihivwa ira Sawuli unapanganela na alombwanaye ira aze abwanyule sidadi ya Keyila inafwanyeya miyo ila na mwasa waga.

1 Samuweli 23:6

Fwanyeya ira Abiyatare mwana Aimeleki tempu yavuluwile liye atawelaga wali Davi sidadi ya Keyila, ohodowagana kuleti ya unamakuta.

1 Samuweli 23:8

Nomala enne, mwene Sawuli ohagumanihaga alombwanaye atene ira kadowe kamurindje mulombwana Davi vamohi na atu kafwanyeya na liye sidadi ya Keyila.

1 Samuweli 30:7

Evale Davi ohomuwongana namakuta Abiyatare mwana Aimeleki, liye ira: <<Kazana uno kuleti ya unamakuta ira niwande nfuka Mulugu.>> Evale Abiyatare ohozagana.