1 Samuweli 23:6 - Mazu Otchena a Mulungu

⁶ Fwanyeya ira Abiyatare mwana Aimeleki tempu yavuluwile liye atawelaga wali Davi sidadi ya Keyila, ohodowagana kuleti ya unamakuta.

1 Samuweli 23:6 ပူးပေါင်းရင်းမြစ်များ

1 Amwene 2:26

Noira eno, mwene Salomawu ohomuwongagana namakuta Abiyatare, liye kwi: <<Umaruwe udowege vande vawo ilambo ya Anatoti. Tchoira weyo uhufwanela kwa zela joira jawo. Mbwenye miyo kannaupa peno, mwasiwa weyo wagali na babaga Davi, wohotukula Kaxa ya Yopangana ya Nabwiya Yehova eto weyo wohovira mmakatamihoni mwatene mwemo mwavira babaga.>>

Ezodu 28:6

<<Amesilri ale kasakanye kuleti ya unamakuta. Sakanya uwa, katukule nguwo yosakanyiwa na usalru wapama, kasonelege vanguwoni vale usalru wa oru, usalru wa kore ya matamba, usalru wa kore ya musuzu wa bwanda, na usalru ofila, ikale yolrembeya lrembeya.

1 Samuweli 14:18

Evale Sawuli ohomuwandela namakuta Ayiya eraga: <<Kazana uno kuleti ya unamakuta ira niwombezeni yofuna ya Mulugu!>> Tchoira mwa malambo anne Sawuli na anyakondwaye a Ana Izarayeli kawendaga, kowenda na namakuta Ayiya wenno anna kuleti ya unamakuta.

1 Samuweli 14:3

Muwari mwa atu kafwanyeya na liye ale, mmohi ali namakuta wenno awaretcha kuleti ya unamakuta. Nzina naye ali Ayiya. Ayiya ali mwana Ayitube. Ayitube wenno afwanyeya agali Ikabu mbalaye eto ali mwana Fineyasi. Fineyasi eto ali mwana Eli, wenno ali namakuta wa Yehova ilambo ya Silo. Eto atu atene a Sawuli tchaiziwile ira Jonata ohovenyavo.

1 Samuweli 22:20

So mbwenye avuluwilege aligi mwana Aimeleki mmohi aitaniwa Abiyatare, muzula wa Ayitube. Evale liye agavuluwile, ohotamangaga, liye tawela ilambo yafwanyeya mulombwana Davi, liye dowa gumana na Davi.

1 Samuweli 23:2

Evale Davi agavwile enne, ohonfukaga Yehova eraga: <<Yehova, kodi didowe dawane na aFilistewu?>> Evale Yehova ohomuwakulaga eraga: <<He, kadowa wawane na aFilistewu. Waavunele akuda Keyila!>>

1 Samuweli 23:5

Nomala enne, Davi ohovenyihanaga na atu anne kawendetcha na liye, aliwa dowa Keyila, aliwa roma wana na aFilistewu, aliwa mala atolotcha, awaka ng'ombe diwa. Mwa enne mulombwana Davi ohavunelaga akuda Keyila.

1 Samuweli 23:7

Sawuli agavwile ira: <<Davi unafwanyeya sidadi ya Keyila>>, ohowongaga eraga: <<Mulugu uhudivaheda Davi mmandani mwaga. Tchoira Davi udowile volowa sidadi iwerewerihiwe muru mulukulu eto milango diwa dihikana misuwo dokana kunya. Eno liye uhumorela muratuweroni.>>

1 Samuweli 23:9

Eto na Davi wenne ohovwaga ira: <<Eniva mwene Sawuli unafuna aze awane na nyo!>> Davi agavwile enne, ohomuwandela namakuta Abiyatare mwana Aimeleki ule, liye ira: <<Kazana uno kuleti ya unamakuta ira ninfukena Yehova inafuna hiyo ira.>>

1 Samuweli 30:7

Evale Davi ohomuwongana namakuta Abiyatare mwana Aimeleki, liye ira: <<Kazana uno kuleti ya unamakuta ira niwande nfuka Mulugu.>> Evale Abiyatare ohozagana.