1 Samuweli 23:23 - Mazu Otchena a Mulungu

²³ Mudowe mwawendelele pama pama mamburo munavitaletcha liye. Mwamala wendelela, muze mudiwandele ira nidowe vamohi, damuhinde. Na ibaribari liye akala wewo, masiki akuda Juda kaindjive, nnonfwanya.>>

1 Samuweli 23:23 ပူးပေါင်းရင်းမြစ်များ

1 Amwene 18:10

Miyo nnawonga vamentoni va Yehova Mulugu wenyu ira kaniliwo nlogo nne umwene wewo mbwiyaga wahausayenleni liye. Eto pandi ili yatene wafiya liye, aliwa kawonga ira: <Hiyo kanimuonile>, mwene oalumbeliha.

2 Amwene 6:13

Evale mwene wa Siriya ule ohowongaga eraga: <<Kadowa wamusake ira uone vali liye ira daarume atu, kadowe kamuhinde, kamuzena.>> Noira enne, kohomuwandelaga ira: <<Liye unafwanyeya sidadi ya Dotani.>>

Markuji 14:1

Vahanle malambo menli ira atu kadje Pwando ya Mavirelo na Pwando ya Pawu Dohosakanyiwana Leverina. Evale andimuwa a anamakuta na anamafundjiha malamulo kosakasaka ndila tchivi yafuna atu kamuhindena Yesu mozembiheya ira kampe.

1 Samuweli 23:22

Nyo sogolrani, mudowe mwamuwendelelege pama nimburo neno vimuonile nyo. Eto mwaafukede atu kamuonne wewo tchineneva ira kauwandeleni vili liye tchoira dihivwa ira liye uhusimbwa xanga.

1 Samuweli 23:24

Evale alombwanale kohomaruwaga, aliwa sogolra kadowaga ante ilambo ya Zife wakoka wene. Ora yenno Davi vamohi na atu kakaletcha na liye mwa tempu yenne kafwanyeya kagali isalesale ya Maome, ilambo yotandeleya inafwanyeya pandi ya suli wa Jesimoni. Nomala enne, kohomaruwaga, aliwa dowa muwandela mwene Sawuli.

1 Samuweli 24:11

Kaing'anani babani, magomo wa kapa yenyu ila mmandani mwaga mu! Miyo gugwadile magomo wa kapa yenyu, mwagali nifukweni ule, mbwenye kadifunne upani. Nona peno munowanda iziwa eto munowanda kana ibaribari ira miyo kannafuna jowanaga na nyo andimuwa, nne kannafuna uirelani yabure ili yatene. Miyo dohoiziwa ira nyo na ibaribari munadisaka miyo ira mudipe. Mbwenye masiki eno, miyo kadusakanyeleni yabure.