1 Samuweli 23:2 - Mazu Otchena a Mulungu

² Evale Davi agavwile enne, ohonfukaga Yehova eraga: <<Yehova, kodi didowe dawane na aFilistewu?>> Evale Yehova ohomuwakulaga eraga: <<He, kadowa wawane na aFilistewu. Waavunele akuda Keyila!>>

1 Samuweli 23:2 ပူးပေါင်းရင်းမြစ်များ

2 Samuweli 2:1

Evale Davi agamanle nla zela ukwa wa Sawuli na Jonata, ohonfukaga Yehova eraga: <<Yehova, miyo podi wela ira didowe sidadi imohi ya Juda dakalege wewo?>> Evale Yehova ohomuwakulaga, liye ira: <<He, kavenya udowe!>> Liye ohonfukagave Yehova eraga: <<Nnga didowe sidadi tchivi?>> Yehova ohomuwakulaga, liye ira: <<Udowe sidadi ya Eboroni!>>

2 Samuweli 5:19

Evale Davi agavwile ira: <<Eni aFilistewu kohomala mwadeyela ndabo na Refayina>>, ohonvepaga Yehova eraga: <<Yehova kodi miyo didowe dawane na aFilistewu? Dawana na aliwa munodivaheda mmandani mwaga?>> Evale Yehova ohomuwandelaga eraga: <<He, we podi dowa wana na aliwa, miyo nnouvaheda mmandani mwawo ira weyo waagondjihe.>>

2 Samuweli 5:23

Evale Davi ohonfukaga akoka Yehova. Nomala eno, Yehova ohomuwakula eraga: <<Fendo ila kudowe wawane sogolro wewa, so mbwenye inafwanela udowe vili mitengo da amore, waakumelele mundulri mwiwa.

1 Koronika 14:10

Evale Davi ohonfukaga Mulugu eraga: <<Kodi didowe dawane na aFilistewu? Nnga dadowa wana na aliwa, nyo munoavelela mmandani mwaga ira daagondjihe?>> Evale Yehova ohomuwakula eraga: <<Kadowa, miyo nnoavelela mmandani mwawo ira waagondjihe.>>

Jozuwe 9:14

Evale andimuwa a aIzarayeli kagatukunle jodja jile, kagaonne makalelo uwa, kohorumela yovepa yewa kahanfukile Yehova.

Anamasogolrelra 1:1

Mulombwana Jozuwe agakwile, Ana Izarayeli kohonfuka Yehova aliwa ira: <<Kodi muwari mwa hiyo, nlogo tivi nnafuna kala noroma ira nidowe nawane na akuda Kana?>>

1 Samuweli 10:22

Noira enne, kohonfuka Yehova, aliwa ira: <<Kodi mutu usakulriwe uli veva?>> Yehova ohowakula, liye ira: <<He uli veva. Eni uvikoyile ule unafwanyeya mitolro ule.>>

1 Samuweli 14:37

Evale Sawuli ohonfukaga Mulugu, liye ira: <<Didowe dawane na aFilistewu? Dadowa ira dawane, kodi nyo munoavaheda mmandani mwa aIzarayeli?>> Mbwenye Mulugu kawakunlegeve yengo siku nenne.

1 Samuweli 23:3

Mbwenye Davi agaawandenle alombwana kawendetcha na liye, aliwa kohowongaga keraga: <<Ii, hiyo mwilamboni mwihu mwa Juda nili hiyo mu nnoova. Eto ira nidowe Keyila, nawanege na makuru a anyakondo a aFilistewu, hiyo ova wehu unotabwa!>>

1 Samuweli 23:4

Noira enne, Davi ohonfukaga Yehova akoka, liye ira: <<Yehova, na ibaribari nidowe nawane na aFilistewu?>> Evale Yehova ohomuwakulaga akoka, liye ira: <<Kavenya, udowe Keyila. Tchoira miyo nnouvaheda aFilistewu mmandani mwawo ira waagondjihe!>>

1 Samuweli 23:6

Fwanyeya ira Abiyatare mwana Aimeleki tempu yavuluwile liye atawelaga wali Davi sidadi ya Keyila, ohodowagana kuleti ya unamakuta.

1 Samuweli 30:8

Noira enne Davi ohonfuka Yehova, liye ira: <<Yehova, kodi daahare akuda Amaleki? Kodi daahara, nnoawanda?>> Yehova ohowakula, liye ira: <<Kaaharege. Unoafwanya eto unoawaka atwinyu atene kaatukunle atu.>>