1 Samuweli 23:1 - Mazu Otchena a Mulungu

¹ Siku nimohi mulombwana Davi ohowandeliwaga ira: <<Eni anyakondo a aFilistewu anawana na akuda Keyila. Eni anaawaka akuda Keyila jodja jejo jinafwanyeya mamburo obubudavo jalo.>>

1 Samuweli 23:1 ပူးပေါင်းရင်းမြစ်များ

Daniyeli 2:35

Eto noira enne, nlandaniho natene nenne nohobwanyuwaga roma momba ule, na ulongo ule, mukuwa, parata, vamohi na oru. Jatene jejo johotchileyaga nnga makata a mamburo obubudavo jalo tempu ya ilimwe, mutu avetaga tirigu. Mwa enne nipevo nohotukulaga jatene, aliwa dowagana fiyeda hahalavo yengo. Mbwenye nibwe nabubudile nlandaniho nne nohoulukulaga, aliwa fiyeda kala mwango mulukulu, aliwa fiyeda zala ilambo yatene ya vati agali ulukula.

Detoronomiyo 28:33

Johanda ja mmundani mwenyu jejo jaonele nyo goyi na jolaba jenyu jatene jinerege djiwa na atu amohiwene anno mwahaaiziwile nyo. Eto nyo munerege zuzumihiwa vamohi no ireliwa jabure malambo matene.

Detoronomiyo 28:51

Aliwa kaza, anerege atakuna ahima a anavinyama enyu eto anerege dja jovaha ja mmundani mwenyu. Aliwa kiza kauhiyedani yengo ili yatene yokumela mmundani, nne vinyu, nne azeti, nne ahima a ng'ombe denyu, nne ahima a mabila enyu. Aliwa anouiranani jatene ejo ante kafiyede utolotchani.

Jozuwe 15:44

Keyila, Akizibe na Maresa. Gumaniha sidadi datene dedo dali tanu na nnayi vamohi na tatamo diwa dene.

Anamasogolrelra 6:11

Siku nimohi Mungelro wa Yehova ohozaga liye garati vati va mutengo wa karvaliyo unafwanyeya ilambo ya Ofara, wenno ali mutengo wa mulombwana Jowasi nkuda Abiyezeri. Eto tempu yenno mwanaye Jideyawu afwanyeya abubudaga tirigu nimburo nonyingalela uva. Liye airana mozemba tawiha ira akuda Midiyani ananfwanye, kamuwake.

Anamasogolrelra 6:4

Mwa enne koza, aliwa kunga misasa diwa, roma nongaga johanda jiwa fiyeda ilambo ya Gaza. Mwa enne aliwa tchaahiyeda aIzarayeli ale jodja ja vang'ono, nne mabila nne ng'ombe nne aburu.