1 Samuweli 22:6 - Mazu Otchena a Mulungu

⁶ Siku nimohi kohokalawo alombwana owambiha kavenyilege kadowa kamuwandela Sawuli ira: <<Davi vamohi na ale anawenda na liye anafwanyeya kokola ya Herete!>> Mwa tempu yenne mwene Sawuli awandeliwaga liye mazu anne, afwanyeyaga ilambo ya Jibeya, agali vamutengoni mmohi eni uneriwa tamarga. Eto mwa tempu yenne afwanyeya ogaratene agahidedile mwanango mmandani mwaye. Asogolrelri aye atenene kafwanyeya vamohi na liye.

1 Samuweli 22:6 ပူးပေါင်းရင်းမြစ်များ

Jenesesi 21:33

Abarahamu ohozalaga mutengo mmohi eni uneriwa tamarga Beriseba ule, liye lobelaga wewule na nzina na Yehova, Mulugu wa Mukalakala.

Anamasogolrelra 4:5

Liye ohokana nimburo eni vagaratetcha liye vati va munazi mmohi aitaniwa munazi wa Debora, vari va Rama na Beteli, mmwangoni mwa Efarayimi. Eto mwa tempu yenne Ana Izarayeli kodowetcha wa liye ira katongiwe milandu diwa.

1 Samuweli 14:2

Sawuli tempu yenne afwanyeya Migoromi, wandamelana Jibeya, agagaratile vati va mutengo eni ovaha jovaha japama jairiwa romaya. Sawuli Migoromi wali liye ule afwanyeya vamohi na alombwana okwakwana 600.

1 Samuweli 18:10

Mmetcheloni muwa, munemba wabure okumela wa Mulugu ule, ohomuzelaga mwene Sawuli. Evale liye ohoromaga sakanya jengo ja mihala mmba mwaye. Mwa enne Davi ohoroma imba arpa waye nnga molemelela. Tempu yenne Sawuli ohokana mwanango mmandani mwaye.

1 Samuweli 19:9

Siku nimohi niwa, Sawuli agali ogaratene mmba mwaye agahidedile mwanango mmandani mwaye, Yehova ohomurumaga munemba wabure, liye muzela akoka. Mwa enne Davi ohotukulaga arpa waye, liye imbaga.

1 Samuweli 20:33

Evale Sawuli agavwile mazu anfukaga mwanaye ule, ohosimbwaga mutakaleliwa mwanaye ule ante liye fiyeda tukula mwanango nvokana ira ampe. Jonata agaonne enne, pa evale vawandile liye kana ibaribari ira: <<Na ibaribari baba unofuna ira ampe Davi!>>

1 Samuweli 31:13

Noira enne, kohotukulaga makuviwa, aliwa dowa timbela vati va mutengo mmohi eni uneriwa tamarga mwilamboni mwa Jabeji. Kagamanle irana enne kohojejuwari malambo matanu na menli. Kukala mazu a livuru na 1 Samuweli.