1 Samuweli 22:23 - Mazu Otchena a Mulungu

²³ Mbwenye voira jili eno, ukale wewuno na miyo eto kuove. Mwasiwa wenno unafuna dipa gu mmohive unafuna joupa weyo. Mbwenye weyo wakala na miyo eni, uhuvuneya.>>

1 Samuweli 22:23 ပူးပေါင်းရင်းမြစ်များ

2 Samuweli 9:7

Noira enne, Davi ohomuwandelaga eraga: <<We mulombwana Mefibozeti kuove mwasiwa miyo nnafuna duirele upama na mwasa wa babawo Jonata wenno ali nfwaga. Miyo nnafuna duwelihede vilambo datene dedo dali da mbwiyawo Sawuli. Weyo eni roma peno dowa sogolro unakalege vamohi na miyo eto unadjege meza imohive na miyo.>>

1 Amwene 1:7

Adoniya ohovwanana na Jowabe wenno mmaye afwanyeya agali Zeruwiya, vamohi na Abiyatare wenno ali namakuta, liye ira: <<Miyo nnafuna dikale mwene!>> Evale aliwa kohorumela jejo jawongilege liye, aliwa roma muhara eto aliwa mukamihedaga.

1 Amwene 2:26

Noira eno, mwene Salomawu ohomuwongagana namakuta Abiyatare, liye kwi: <<Umaruwe udowege vande vawo ilambo ya Anatoti. Tchoira weyo uhufwanela kwa zela joira jawo. Mbwenye miyo kannaupa peno, mwasiwa weyo wagali na babaga Davi, wohotukula Kaxa ya Yopangana ya Nabwiya Yehova eto weyo wohovira mmakatamihoni mwatene mwemo mwavira babaga.>>

Matewuji 24:9

<<Aliwa anerege ugulihani ira muonihiwe goyi eto anerege upani. Atu a malogo matene anerege uidani nyo na mwasa wa nzina naga.

Juwawu 15:20

<<Muumbuwele mazu duwandenleni miyo ira: <Kalivo namalaba omukwaranya patarawu waye.> Akala atu amohi kodiharahara miyo vano, na nyenne muiziwe ira munerege harahariwa. Akala atu amohi korumeletcha jowonga jaga, na nyenne muiziwe ira mwalaleyaga anerege oneya amohiwa ofuna rumela jinafuna nyo wonga.

Juwawu 17:12

Diwendaga mwilamboni ya vati vamohi na aliwa, doakoya na nzina nenyu, neno nidivahile nyo. Dahakoya atene mwadivahile nyo. Miyo kadimudimelihile mutu ahali mulombwana wenno unafuna tolotchiwa, muwari mokwakwaneliheda jejo jilrembiwe mMazuni.

Juwawu 18:9

Yesu ira awonge enne, awongele ira kakwakwanele mazu awongile liye oira: <<Babani, zela atenene mudivahile nyo, miyo kadimudimelihile nne mmohi.>>

1 Samuweli 23:17

Jonata ohowonga na Davi eraga: <<Eni weyo wagarati, kuovege. Tchoira babaga Sawuli kanaupa! Eni weyo unofiyeda kala mwene wa Izarayeli eto miyo nnokala mutu wanembinli muwari mwa utongi wawo. Eto eni babaga uhumala iziwa jatene jejo!>>