1 Samuweli 22:2 - Mazu Otchena a Mulungu

² Kohokalawo atu oindjiva kavenyilege amohiwa okana makatamiho, amohiwa okana mangawa, amohiwa aliba takaleliwa, aliwa dowa ira kagumane na mulombwana Davi, kakalege na liye. Malambo anne kohogumaneyaga vali mulombwana Davi vale wandamelana alombwana 400. Kagafiyile wewule, Davi ohokalaga musogolrelri wewa, aliwa roma wenda vamohi.

1 Samuweli 22:2 ပူးပေါင်းရင်းမြစ်များ

2 Samuweli 17:8

Tchoira nyo muhuiziwa pama ira babinyu vamohi na alombwana unna liye ba atu a kopolo kwaranya nyo eto aliwa kali otakaleliwene nnga urusu wa muhiyana abeliwa ahimaye! Eto hiya yennove bahi, nyo muhuiziwa ira babinyu gu mutu oxangetchetcha zela ja kondo. Liye kaza avireliwa umahiyu watene vamohi na atu atene.

2 Samuweli 5:2

Hiya yennove, wanle Sawuli ahanakwe, agali mwene wehu, gu nyenne aasogolrelretcha anyakondo a Izarayeli kadowaga kondoni nari kakumaga kondoni. Eto nyo mohowandeliwa na Yehova Mulugu ira: <Sogolro weyo unoza waakumbuzege atwaga aIzarayeli eto unokala musogolrelri wewa.> >>

2 Amwene 20:5

<<Uwele, udowe wamuwandele Ezekiya, musogolrelri wa atwaga ira: <Yehova Mulugu wa mbwiyawo Davi unawonga ira: <<Dihivwa lobela wawo eto dihiona misodi dawo. Mwa eno, nnouvulumutcha. Ndawiyavano unodowa Nyumba ya Yehova.

2 Amwene 4:1

Ohokalawo makwele mmohi eni wa muhiyana. Marafula mamunaye ali muwari mwa asempuru a anamafiyiheda. Muhiyanole ohozaga, awongaga mokumbanya na Elizewu eraga: <<Miyo mamunaga, namalaba wenyu uhukwa. Eto nyo muhuiziwa ira namalaba wenyu ali mutu omuova Yehova. Liye agakwile, ukalawo mulombwana wenno nanfiyarile hiyo kobiri uzile ira anikose. Voira miyo kadinna yengo, liye unafuna aatukule ahimaga ambinli ira kakale azari aye.>>

Matewuji 11:12

<<Eto roma malambo a Juwawu Mbatizi fiyeda peno, Umwene wa zulu unnana waneliwa kondo. Muwari mowana mule, olimba gunavolowa.

Matewuji 11:28

<<Zani wa miyo nyo atene owaheya, nyo mutukunle jonyemela. Mwaza wa miyo, nnouvahani vuma.

Eberewu 2:10

Tchoira yali yofwanela ira Mulugu wenno unafuna teteliwa muwari mwa jatene jene eto unakalihawo jatene jene, amuonihe Yesu goyi ira muwari mwa goyi dile, Yesu awande kala Namakunga wo vulusiwa wokwakwanela. Ali ira Yesu awandege atukula atu adjindji, aavolotchihege muwari mwa undimuwa wa Mulugu ira aliwa kakale ahima a Mulugu.

Anamasogolrelra 11:3

Evale Jefite ohatawaga abalaye ale, liye dowa kalaga ilambo ya Tobe. Agali wewule, kohokalawo alombwana abure kamuharile, aliwa roma wenda vamohi na liye.

Anamasogolrelra 18:25

Mbwenye akuda Dani ale kohomuwakulaga, aliwa ira: <<Kavayela miyalawo tawiha ira alombwana ohorutcha takaleliwa anafwanyeya muwari mwa hiyo anauzele tchineneva, upuzeye ingumi yawo vamohi na vingumi da atu a vande vawo.>>

1 Samuweli 1:10

Ana ohodowa Nyumba ya Yehova mosanyeya mwene, liye roma lobela muwari monla wohokala wa masika.

1 Samuweli 22:3

Nomala enne, Davi ohovenyihanaga, liye dowa Mizipa ilambo ya Mowabe. Agadowile wewule, ohonfwanyaga mwene wa wewule, liye nvepa ira: <<Miyo nnouvepani ira mmaga na babaga kaze kakalege wewuno, fiyeda dione Mulugu inadiirele liye!>>

1 Samuweli 23:13

Evale mulombwana Davi ohomaruwaga na atwaye 600 anno aawendetchana liye, aliwa kuma musidadi mule kawendaga kadowaga waiziwile atu. Evale Sawuli agawandeliwe ira: <<Davi uhukumamo musidadi ya Keyila, uhutawa.>> kadowilewo.

1 Samuweli 25:13

Evale Davi agavwile enne ohawandelaga atwaye ale eraga: <<Bahi, kamangelelani masupada enyu mmwinini mwinyu.>> Davi agawongile enne, na liyene ohotukulaga supada naye, liye mangelela mmwinini. Evale ohovenyihana na alombwana 400, amohiwa 200 aliwa hala ira kaing'anelege mitolro diwa.

1 Samuweli 30:6

Evale alombwana a Davi ale muwari mojamo zela ahimiwa na ahiyana anno katukuliwe, kohowongaga ira: <<Ndoweni nimpeni Davi na mabwe.>> Evale Davi agaonne enne, ohokukumuwaga valukulu. Mbwenye ohovilimbihedaga kopolo daye muwari mwa Yehova Mulugu waye.

1 Samuweli 9:16

<<Metchelo ora yokala nnga ha yenna, miyo nnomuruma wa weyo mulombwana mmohi wa nlogo na Benjami. Mwagumana, weyo umuhambihe ira akale mwene wa atwaga aIzarayeli. Liye unoavunela atu mmandani mwa aFilistewu. Tchoira miyo dihiona goyi inna atwaga eto dihivwa yovepa yewa ira dakamihede.>>