1 Samuweli 22:16 - Mazu Otchena a Mulungu

¹⁶ Evale mwene Sawuli ohowongaga ira: <<Aimeleki, weyo vamohi na atu atene a vande va babawo munokwa!>>

1 Samuweli 22:16 ပူးပေါင်းရင်းမြစ်များ

1 Amwene 18:4

Tchoira wanle Jezabeli mwadi mwene Akabe tempu yaapa liye anamafiyiheda a Yehova, mulombwana Obadiya ohatukula anamafiyiheda 100, liye agawamo kala makuru menli. Atu 50, liye dowa akoya nifukwe nimohi. Atu 50 amohiwa ale, liye dowa akoya nifukwe nimohi niwa, liye avahaga jodja vamohi na mahindje.

1 Amwene 19:2

Na mwasa wenne, Jezabeli ohomurumaga mutu ira adowe wa Eliya amuwandele ira: <<Weyo wafiyeda metchelo ora nnga yenna miyo dahaupile nnga waapile we anamafiyiheda ale, amilugu kaditonge na makalelo anafuna atu.>>

Daniyeli 2:12

Evale mwene Nabukodonozore ohotakaleliwaga eto ohojamo na makalelo ohokala a masika. Liye aruma atwaye ira kadowe kaape aliba toto atene a Babiloniya.

Daniyeli 2:5

Evale mwene Nabukodonozore ohawakulaga aBabiloniya ale eraga: <<Iwongile miyo kalivo unafuna runiha. Tchoira miyo difunile ira nyo mudiwandelemo yenno irohile miyo amala muditapulele. Nyo mwahawande irana yenno, nyo atene munogwadiwa yano yano eto nyumba dinyu nnomala bwanyuliwa.

Matewuji 2:16

Mbwenye Erodi, vahanle liye, agaonne ira: <<Andimuwa a toto ale kohodinyenga, kizile diwandela uli mwana!>>, ohotakaleliwa valukulu. Voira liye ohafukaga andimuwa a toto ale siku naromile atu ona nyenyedi yahara atu, oharuma atu ira kadowe Beleme na vilambo dowandamela wewule, kaapemo ahima atene a anapongwe, roma mwana wa mmandani fiyeda mwana wa yaka mbinli.

Joira ja Anamarumiwa 12:19

Eto Erodi funa ira ankumihemo Peduru, kanfwanyilemo. Vevale ohafuka agwarda ale zela jejo jaireyile, liye atonga ira kapiwe. Noira eno, Erodi ohovenyaga ilambo ya Judeya ile, liye dowa sidadi ya Sezariya, liye malawo malambo mangasi mangasi.

Detoronomiyo 24:16

<<Kakalevo babi unafuna piwelaga yotega ya mwanaye, nne kakalevo mwana unafuna piwelaga yotega ya babaye. Kada mutu apiwelege yotega yaye.

1 Samuweli 14:44

Evale Sawuli ohowongaga, liye ira: <<Weyo peno unokwa. Nahaupe weyo peno, Mulugu aditonge na makalelo anafuna liye.>>

1 Samuweli 20:31

Weyo kunaiziwa ira mwana Jese wenno ahakwe, weyo kuza ukala mwene eto kuza ukana umwene muwari mwa ilambwela?! Kadowa wamutukule, umuzena tchineneva, akwe!>>

1 Samuweli 22:15

Eto miyo ira dinfuke Mulugu zela yafuna mulombwana Davi ira, kahi fendo yoroma irana. Miyo diromileve irana wanle. Nyo kamudinukedege miyo nne kammunukede mutu mmohiwa wa muibalini mwaga ira nnoupanganelani nyo. Tchoira miyo namalaba wenyu jinawonga nyo jo, kadiiziwile nne vang'onove!>>

1 Samuweli 22:17

Nomala eno, ohawandela agwardaye kaligi evale eraga: <<Kavenyani, mwaape anamakuta a Yehova ala. Tchoira na aliwene anomukamiheda mulombwana Davi, aliwa mutawihaga. Tchoira aliwa kagamuonne atawaga, kifunile za diwandela.>> Mbwenye agwarda ale kohokonda apa anamakuta a Yehova na mandiwa.