1 Samuweli 22:14 - Mazu Otchena a Mulungu

¹⁴ Evale Aimeleki ohomuwakulaga mwene Sawuli eraga: <<Kodi muwari mwa anamalabinyu atene, ukalamo mutu ororomeleya omukwaranya Davi? Davi eto kahi nkamwene wenyu? Liye eto gu musogolrelri wa agwarda a ingumi yenyu eto liye unorihediwa na atu atene a vande venyu.

1 Samuweli 22:14 ပူးပေါင်းရင်းမြစ်များ

1 Samuweli 17:25

<<Alombwana, munomuona mulombwanole?! Liye uhuza nipokiha hiyo aIzarayeli. Mutu wenne unampe mulombwana wenne, mwene Sawuli unonvaha jorayela eto unonvaha mwanaye ira amutele. Eto abalaye atene a babaye, kiza kasokiwaga misoko.>>

1 Samuweli 18:13

Evale Sawuli ohonvenyihagavo vamentoni vaye eto ohonvaha ira akale musogolrelri wa nikuru na anyakondo 1.000. Evale mulombwana Davi oasogolrelretcha anyakondwale mukondoni.

1 Samuweli 18:27

mulombwana Davi na alombwana aye kohovenyaga, aliwa dowa apa aFilistewu 200. Mwa enne liye ohagwadagawo jafuna mwene jile, nomala eno ohotukulaga jatene, liye dowa nvaheda mwene Sawuli ira atele. Evale Sawuli ohonvaheda mwanaye Mikali, liye mutela.

1 Samuweli 20:32

Jonata ohonfuka babaye Sawuli eraga: <<Kodi Davi unapiwele nni? Liye utegile nni?>>

1 Samuweli 21:2

Davi ohowakulaga anamaga eraga: <<Ira dize mekave eni uno, mwene Sawuli gudirumile ira: <Uvenyihane udowe eto wadowaga kumuwandele mutu mmohiwa zela mabasa anauruma miyo ala!> Nona miyo uno dahazawo na mutu mmohiwa, so daawandenle azombwe anawendetcha na miyo ira nidowe nagumane nimburo nimohi niwa nene.>>

1 Samuweli 22:13

Sawuli ohomuwandelaga, liye ira: <<Kodi mwasiwa gwa nni, weyo ugumanaga na mwana Jese, mudipanganelaga? Mwasiwa ali wa nni unvahaga pawu, utukulaga supada unvahaga eto unvepaga Mulugu ira auwandele yafuna liye ira? Eni na mwasa wawo, liye uhuroma diharahara. Liye eto peno unadivitalela ira adipe.>>

1 Samuweli 24:11

Kaing'anani babani, magomo wa kapa yenyu ila mmandani mwaga mu! Miyo gugwadile magomo wa kapa yenyu, mwagali nifukweni ule, mbwenye kadifunne upani. Nona peno munowanda iziwa eto munowanda kana ibaribari ira miyo kannafuna jowanaga na nyo andimuwa, nne kannafuna uirelani yabure ili yatene. Miyo dohoiziwa ira nyo na ibaribari munadisaka miyo ira mudipe. Mbwenye masiki eno, miyo kadusakanyeleni yabure.

1 Samuweli 25:28

Nnouvepani ira mudikurumuwele yabure isakanyile miyo namalaba wenyu mwasiwa vasogolro Yehova unosakanya ira nyo mbwiyeni mukale mwene vamohi na ahima munaabalege nyo. Jatene ejo Yehova unoirana mwasiwa nyo mbwiyeni munowana mukondoni mwatene munaurumani Yehova. Kalawo wenyu watene, kamuza mufwanyeyana yabure ili yatene.

1 Samuweli 26:23

Yehova unomutambilriha kada mutu zela ipama yaye no roromeleya waye. Liye peno ohodivaheda nyo mmandani mwaga. Mbwenye kavili jowandeya ira miyo dimuirele yabure mutu ohambihiwa na Yehova.