1 Samuweli 21:7 - Mazu Otchena a Mulungu

⁷ Siku nairaga atu enne, ohokalagavo namalaba mmohi wa mwene Sawuli wenno aitaniwa Dowege. Liye ali nkuda Edomu eto ali musogolrelri wa anamakumbuza a mwene Sawuli. Mwa tempu yenne Dowege ule kawandile kumavo mwasiwa liye ali muwari mokwakwaneliheda sanganiko daye vamentoni va Yehova.

1 Samuweli 21:7 ပူးပေါင်းရင်းမြစ်များ

Jenesesi 26:20

Mbwenye anamakumbuza mabila a ilambo ya Jerari ule kohoroma kangana na anamakumbuza mabila a Izaki keraga: <<Mahindjala behu.>> Na mwasa okangana, Izaki ohovaha isimele nzina na Ezeki [ku wonga kangana].

1 Koronika 27:29

Sitarayi nkuda Saromi ali musogolrelri oing'anela ng'ombe dadjihiwetcha Saromi. Safati mwana Adalayi ali musogolrelri oing'anela ng'ombe dadjihiwetcha mudaboni.

1 Koronika 27:31

Jaziji nkuda Agiri ali musogolrelri oing'anela mabila na mbuzi. Atene anna kali asogolrelri oing'anela jengo ja mwene Davi.

Matewuji 15:8

<Atwayo anaditamalela miyo na milomo bahi. Mbwenye murima wewa uli olapela wene na miyo.

1 Samuweli 11:5

Tempu yazilege aliba rumiwa ale kaawandelaga atwale mazu anne, Sawuli akumaga minda na ng'ombe daye. Afiyaga vande ohofuka eraga: <<Kodi mwasiwa gwa nni nyo atene munanlela nyo eni?>> Evale aliwa kohomuwandelamo mulombwana Sawuli zela jatene jawandeliwe atu na alombwana karumiwe Jabeji ale.

1 Samuweli 14:47

Sawuli agamanle kala mwene wa aIzarayeli, ohowana na amwidanaye atene owandamelana roma akuda Mowabe, dowa akuda Amoni, akuda Edomu, amwene a Zoba vamohi na aFilistewu. Eto mwatene mwawana liye, ogondjiha.

1 Samuweli 21:8

Mwa enne mulombwana Davi ohowongaga na namakuta ule, liye ira: <<Kodi nnga veva muhukanavo supada owu mwanango? Mwasiwa miyo dirumiwaga na mwene, dere rurumutchiwa. Mwa eno, dereve venya wene kapataku miyo zaga, kadanna tempu yowanda tukula supada naga na jowanana jaga.>>

1 Samuweli 22:10

Evale namakuta ule ohonfuka Yehova ira Davi aiziwe yafuna liye ira eto ohonvahaga pawu eto Aimeleki mmohive ohotukula supada na mulombwana Goliya nFilistewu, liye nvaha Davi.>>

1 Samuweli 22:22

Davi agavwile enne ohowongaga na Abiyatare, liye ira: <<Miyo dohovayelaga iziwa siku nenne dazilege miyo wa babawo adivahaga pawu. Dohoiziwaga ira podi pii, mulombwana Dowege nkuda Edomu ula adowa, unomuwandela Sawuli zela jatene jionne liye uno. Eno uapihile atu atene a muibalini mwa babawo gu miyo.

1 Samuweli 22:9

Eto siku nenne nawongaga mwene Sawuli eno, muwari mwa anamalaba a Sawuli, ohokalagavo mulombwana Dowege nkuda Edomu. Liye ohoromaga muwandelamo mwene Sawuli eraga: <<Dagali ilambo ya Nobe, miyo dohomuonaga Davi mwana Jese azaga wa namakuta Aimeleki mwana Ayitube.