1 Samuweli 21:2 - Mazu Otchena a Mulungu

² Davi ohowakulaga anamaga eraga: <<Ira dize mekave eni uno, mwene Sawuli gudirumile ira: <Uvenyihane udowe eto wadowaga kumuwandele mutu mmohiwa zela mabasa anauruma miyo ala!> Nona miyo uno dahazawo na mutu mmohiwa, so daawandenle azombwe anawendetcha na miyo ira nidowe nagumane nimburo nimohi niwa nene.>>

1 Samuweli 21:2 ပူးပေါင်းရင်းမြစ်များ

Jenesesi 27:20

Evale Izaki ohomuwakulaga eraga: <<Kodi uwandile avi saya mobaranya, mwanaga?>> Jako ohomuwakulaga, liye ira: <<Yehova, Mulugu wenyu gudikamihedile.>>

Jenesesi 27:24

ohonfuka akoka eraga: <<Kodi weyo na ibaribari uli mwanaga Ezawu?>> Jako ohomuwakulaga, liye ira: <<He, gu miyene.>>

1 Amwene 13:18

Mwa enne namafiyiheda oulula ule ohowakulaga eraga: <<Na miyene dili namafiyiheda nnga weyo. Mungelro gudiwandenle mazu a Yehova ira: <Kamuwelihe, umudowena vande vawo ira adowe adje pawu eto ira ang'we mahindje!> >> Mbwenye liye awongaga mazu anne eraga nama.

Izaiya 10:32

Peno eva eni akuda Asiriya ayo anofiya Nobe, anoza katekenye miwono diwa ira kaarendjetche atu anakala Mwango wa Siyawu, wenno uli mwango wa Jeruzalemu.

Galasiya 2:12

Tchoira azaga wene, liye adja vamohi na atu ohokala aJudewu. Mbwenye kagazile atu kawendetcha na Tiyagu wanle anno kasimbwa riheda ineliwa, Peduru ohoroma konda dja vamohi na atu ohokala aJudewu afwaye, liye kala vaye vene mwasiwa liye aaova ale kazile ale.

Koloso 3:9

Kamuwongege jonama mmohi na nfwaye mwasiwa nyo muhumala wungula mawendelo enyu a wanle oirana jabure.

1 Samuweli 19:17

Sawuli agavwile jejile, ohonfukaga mwanaye Mikali, liye ira: <<Kodi mwasiwa gwa nni udinyengaga, umuhiya mwidanaga atawa?>> Evale Mikali ohowakula, liye ira: <<Liye ere diwandela ira: <Wahaditawihe, miyo nnoupa weyo!> Nona miyo dimuhiya atawa.>>

1 Samuweli 21:3

Nomala eno, Davi ohomuwongagana namakuta Aimeleki ule, liye ira: <<Kodi veva muhukanavo yodja ira mudivahe? Miyo dera mudivahe pawu tanu. Eto mwahakayenavo, nyo podi divaha yodja ili yatene munna nyo veva.>>

1 Samuweli 22:22

Davi agavwile enne ohowongaga na Abiyatare, liye ira: <<Miyo dohovayelaga iziwa siku nenne dazilege miyo wa babawo adivahaga pawu. Dohoiziwaga ira podi pii, mulombwana Dowege nkuda Edomu ula adowa, unomuwandela Sawuli zela jatene jionne liye uno. Eno uapihile atu atene a muibalini mwa babawo gu miyo.

1 Samuweli 22:9

Eto siku nenne nawongaga mwene Sawuli eno, muwari mwa anamalaba a Sawuli, ohokalagavo mulombwana Dowege nkuda Edomu. Liye ohoromaga muwandelamo mwene Sawuli eraga: <<Dagali ilambo ya Nobe, miyo dohomuonaga Davi mwana Jese azaga wa namakuta Aimeleki mwana Ayitube.