1 Samuweli 20:13 - Mazu Otchena a Mulungu

¹³ Eto babaga afunaga jouirela yabure, miyo dahauwandele ira uvuluwe nari dahautawihe, Yehova aditonge na makalelo anafuna liye! Yehova ausogolrelre weyo na makalelo nnga amusogolrelra liye babaga malambo a mundulrimu.

1 Samuweli 20:13 ပူးပေါင်းရင်းမြစ်များ

2 Samuweli 19:13

Eto noira enne, Davi ohawandelaga anamakuta amohive anne eraga: <<Mudowe eto mwamuwandele mulombwana Amasa muire: <Kodi weyo Amasa kuli makuva aga na maningo aga? Miyo nnolumbela na nzina na Yehova ira weyo unokala musogolrelri mundimuwa wa anyakondo aga kuma peno dowaga sogolro vamalroni va mulombwana Jowabe! Miyo dahairena eno mbwenye Mulugu aditonge na makalelo anafuna liye!> >>

2 Samuweli 3:35

Nomala mukoya Abineri, Davi kafunilegeve jodja siku nenne. Mwa enne kohokalawo kavenyilege, aliwa dowa mukanyihedaga ira adje. Mbwenye Davi ohowakulaga alumbelaga eraga: <<Miyo nnolumbela ira miyo dilawiha pawu nari yengo imohiwa nzuwa nahanavire, Mulugu aditonge na makalelo anafuna liye!>>

2 Samuweli 7:15

Mbwenye miyo kadiza dihiya muzivela nnga dahiyile miyo muziveliwa Sawuli, wenno dimuhiyile miyo mundulri ira weyo ukale sogolro.

1 Amwene 1:37

Eto Yehova akale na Salomawu na makalelo nnga akaletcha liye na nyo mbwiyeni so mwene. Eto asakanye ira utongi waye ukale utongi undimuwa kwaranya utongi wenno wanna nyo, mbwiyeni so mwene Davi.>>

1 Amwene 19:2

Na mwasa wenne, Jezabeli ohomurumaga mutu ira adowe wa Eliya amuwandele ira: <<Weyo wafiyeda metchelo ora nnga yenna miyo dahaupile nnga waapile we anamafiyiheda ale, amilugu kaditonge na makalelo anafuna atu.>>

1 Amwene 20:10

Mwa enne mulombwana Beni-Hadade, ohorumihaga milanyo dimohi diwa wa mwene Akabe ule alumbelaga ira: <<Samariya nahalawo tumbulru nofiyeda atwaga anadihara kawanda zaliha kada mutu ndanda naye naye, amilugu kaditonge na makalelo anafuna liye.>>

1 Koronika 22:11

Davi ohowongagave na Salomawu eraga: <<Mwa eno mwanaga, Yehova akale na weyo ira jatene juwendele pama eto uwande manga Nyumba ya Yehova Mulugu wawo, nnga mwemo muwongele liye zela weyo.

1 Koronika 22:16

oru, parata, mukuwa na momba. Kavenya, urome laba. Yehova akale na weyo!>>

Matewuji 28:20

Eto mwaafundjihege ira kaharege jengo jatene juwandenleni miyo. Muing'ane, miyo nnokalave na nyo malambo matene, fiyeda magomo a ilambo.>> Kukala mazu Matewuji alrembile liye muwari mwa Munemba Otchena zela jaira Yesu agali mwilamboni ya vati.

Filipo 4:9

Inafwanela muiregena jatene jufundjihileni miyo eto inafwanela muiregena jengo jatene duvahedileni miyo eto jatene jivwile nyo na miyo eto jatene jidionnena nyo diiragana. Mwairana jatene ejo, Mulugu wenno unavaha murendele unousogolrelrani.

Jozuwe 1:5

Kalawo wawo watene unoagondjiha amwidanawo atene anafuna wana na weyo. Miyo nnakalave na weyo na makalelo nnga dali miyo na Mozeji. Miyo kadiza duhiya, nne kadiza dunyanyala.

Ruti 1:17

Vevo vinakwele nyo, na miyene nnakwela vevo eto pa vevo vanafuna miyo koyiwa. Miyo damwalana na nyo ahali na mwasa wa ukwa, Yehova aditonge na makalelo anafuna liye!>>

1 Samuweli 10:7

Waona ira jionihedo jatene jiwongile miyo ji jihimala ireya, usakanye jatene jinafune we, tchoira Mulugu unakalege na weyo.

1 Samuweli 14:47

Sawuli agamanle kala mwene wa aIzarayeli, ohowana na amwidanaye atene owandamelana roma akuda Mowabe, dowa akuda Amoni, akuda Edomu, amwene a Zoba vamohi na aFilistewu. Eto mwatene mwawana liye, ogondjiha.

1 Samuweli 17:37

Yehova wenno udiwombonle mmandani mwa apodogoma na mmandani mwa aurusu, gu mmohive unere adiwombole mmandani mwa nFilistewu ule.>> Davi agawongile mazu anne, Sawuli ohowakula, liye ira: <<Tabo, ihikala pama! Venya udowe eto Yehova akale na weyo!>>

1 Samuweli 18:12

Yehova ohiya musogolrelra Sawuli, liye roma dowa kalaga na Davi. Na mwasa wenne, mwene Sawuli omuova Davi.

1 Samuweli 19:3

Miyo metchelo evo nnodowa danvepe babaga ira dimuzena munda wenno unafuna we vitala ira ditapanyevo zela weyo. Eto jinawonge baba, miyo nnoza duwandele.>>

1 Samuweli 20:12

Kagadowile mmundani mule, Jonata ohomuwandelaga Davi, liye ira: <<Miyo nnolumbela na nzina na Yehova Mulugu wa Izarayeli ira metchelo owu hehi ndawiyavano, miyo nnodowa damuwombeze babaga. Inaufunana liye yakala yengo yapama, ora yokala ha yenna miyo nnoza duwandele.

1 Samuweli 20:14

Miyo dakalagawove, dahakwe, nnafuna weyo udionihe zivela wohomala na makalelo nnga zivela unna Yehova ira miyo dahapiwe.

1 Samuweli 25:22

Unde wafiyeda tcha miyo dahaapile alombwana atene a Nabali, Mulugu aditonge na makalelo anafuna liye.>>

1 Samuweli 3:17

Evale Eli ohonfuka ira: <<Kodi Yehova uuwandenle nni mahiyu? Inafwanela udiwandelemo jatene juuwandenle liye tchoira wadikuwa yengo imohi wahadiwandela, Mulugu autonge na makalelo anafuna liye!>>