1 Samuweli 20:1 - Mazu Otchena a Mulungu

¹ Mwa tempu yenne Davi ohotawa Nayoti ilambo ya Rama wali Sawuli, liye dowa wafwanyeya Jonata. Aganfwannye Jonata, ohonfukaga eraga: <<Kodi miyo disakanyile yabure nni? Mulandu unna miyo gwa nni? Yotega tchivi isakanyile miyo yofwanela ira babawo adiharaharege ira adipe?>>

1 Samuweli 20:1 ပူးပေါင်းရင်းမြစ်များ

2 Korinto 1:12

Hagalala wehu ku wu. Mmirimani mwehu muli mwapama mwene zela makalelo niwendile hiyo mwilamboni ya vati mohojingari, mwa ibaribari nnga Mulugu unafunela liye. Hiya wenda na zelru da ilambo ya vati, hiyo mbwenye niwendile muwari mwa sayi da Mulugu. Simbwasimbwa nagali vamohi na nyo, hiyo nawendave na makalelo mamohive apama anno.

2 Peduru 2:9

Akala jatene ejo Nabwiya ohoirana wanle, ku wonga Nabwiya uhukana makalelo oavunela atu apama anafwanyeya muwari mwa makatamiho eto uhukana makalelo oaoniha goyi atu ohokala pama fiyeda siku notongiwa.

1 Juwawu 3:21

Afwaga oziveliwiwa, akala mmirimani mwehu kamuli joumbuwela jonimangiha mulandu, kannakana yowanganyeda ili yatene vamentoni va Mulugu

1 Samuweli 12:3

Miyo peno dili vamentoni venyu. Akala dihisakanya yengo yabure, muwari mwa utongi waga watene, muwonge tchineneva vamentoni va Yehova na vamentoni va mwene wenno umuhambihile liye. Muwonge akala miyo dilabaga mabasaga matene dihitukula ng'ombe nari buru wa mwinnya nari akala miyo dohomudjelra mutu nari akala dihibabiha muharahara mutu. Akala dohowatchela kunya ya mutu ira dimutongele milandu daye pama, muwonge. Akala miyo dihiirana mwa jengo jatene jiwongile miyo ji, muwonge ira diwelihe.>>

1 Samuweli 19:1

Siku nimohi Sawuli ohomuwandela mwanaye Jonata vamohi na asogolrelri aye atene ira: <<Miyo nnafuna mudowe mwampe Davi!>> Mbwenye voira mulombwana Jonata omuziveliwetchetcha Davi,

1 Samuweli 19:18

Evale Davi agatawile, adowilege ilambo ya Rama, liye dowa fiya vande va Samuweli muwandelamo jatene jamuirela mwene Sawuli. Noira eno, Samuweli ohomutukulaga Davi, aliwa dowa kalaga Nayoti.

1 Samuweli 20:2

Evale Jonata ohomuwakulaga eraga: <<Kuumbuwelege jejo. Weyo kunakwa! Tchoira babaga kanairana yengo ili yatene masiki iyeve nari iulukule ahanarome diwandela miyo. Kodi liye akala unodiwandeletcha jengo jatene, unoza adikuwe afunaga upa weyo? Jejo kajinaireya.>>

1 Samuweli 20:32

Jonata ohonfuka babaye Sawuli eraga: <<Kodi Davi unapiwele nni? Liye utegile nni?>>

1 Samuweli 24:11

Kaing'anani babani, magomo wa kapa yenyu ila mmandani mwaga mu! Miyo gugwadile magomo wa kapa yenyu, mwagali nifukweni ule, mbwenye kadifunne upani. Nona peno munowanda iziwa eto munowanda kana ibaribari ira miyo kannafuna jowanaga na nyo andimuwa, nne kannafuna uirelani yabure ili yatene. Miyo dohoiziwa ira nyo na ibaribari munadisaka miyo ira mudipe. Mbwenye masiki eno, miyo kadusakanyeleni yabure.

1 Samuweli 24:12

So mbwenye Yehova anitonge va hiyo ambinli wenne umutegenle nfwaye! Yehova eto autongeni na mwasa wa jabure jatene jidiirele nyo. Miyo mbwenye kannafuna uirelani yabure ili yatene.>>

1 Samuweli 24:17

Nomala enne, ohomuwandela Davi, liye ira: <<Weyo uli wapama dikwaranya miyo. Weyo unadiireletcha japamave, agali miyo nnausakanya na makalelo abure.

1 Samuweli 24:9

Evale Davi ohowongaga na Sawuli eraga: <<So mwene, kodi mwasiwa gwa nni nyo avuruwanaga atu anne anauwandelani ira: <Davi unafuna aupeni!>?

1 Samuweli 26:18

Nnga mwasiwa gwa nni nyo mbwiyeni munadiharaharela nyo, miyo namalaba wenyu? Miyo diirile avi? Kodi disakanyile yabure nni?