1 Samuweli 2:8 - Mazu Otchena a Mulungu

⁸ Liye gunaakumihawo atu osimela tumbulruni uli atu eto liyene gunaakumiha atu vazunguni vili atu, liye dowa agaratihaga mamburo apama a umwene. Tchoira mwinnya wa mambozo ohideda ilambo yatene gu Yehova. Liye ohotukula ilambo ya vati, liye goromeyavo.

1 Samuweli 2:8 ပူးပေါင်းရင်းမြစ်များ

Jenesesi 41:14

Evale Farawu ohomuitaniha Joze. Mobaranya kohonkumihamo mukadeya mule, liye sata ndevu daye, wara jowara jimohi jiwa, liye dowa vamentoni va mwene Farawu.

Jenesesi 41:40

Miyo meka bahi gunafuna ukwaranya weyo ineriha miyo dili mwene. Mbwenye weyo unerege asogolrelra andimuwa atene analaba palasiyoni waga eto atwaga atene anerege uvwelela weyo.>>

2 Samuweli 7:8

Yehova ohowongaga na Nata eraga: <<Na mwasa wenno, weyo uvenye udowe wamuwandele namalaba waga Davi wire: <Yehova wa Makuru Matene gunawonga ira: <<Miyo dukumihile mukokolani mwemo mwawenda we mundulri mwa mabila ira udowe wakale musogolrelri wa atwaga aIzarayeli!

1 Amwene 16:2

<<Miyo duhuvenyiha vatumbulruni vevo vali we eto dusakanya ira weyo ukale musogolrelri wa atwaga aIzarayeli. Mbwenye weyo unahara ndila da Jerobowawu eto unnana ategiha atwaga aIzarayeli, aliwa tatamulaga takaleliwa waga na mwasa wa jotega jewa.

2 Amwene 9:6

Evale kohodowaga, aliwa volowa mmba. Kagadowile mmba mule, ohomukutulelaga makura vamuru vaye eto ohomuwandelaga eraga: <<Yehova Mulugu wa Izarayeli unawonga ira: <Nnauhambiha ira ukale mwene wa Izarayeli, atu a Yehova aye.

Izaiya 22:23

Miyo nnoza dimulimbihe pama nnga peregu yokapatchihavo jengo ikomeliwe pama. Atu atene a muibalini mwa babaye anerege rihediwa na mwasa waye.

Daniyeli 2:48

Noira enne, mwene ohomuulukulihaga Daniyeli na makalelo ohokala a masika, anvahaga mivaho didjindji dene. Eto ohomuhambiha liye kala governadore wa porovinsiya yatene ya Babiloniya eto ira akale musogolrelri wa aliba toto atene a Babiloniya.

Daniyeli 4:17

Utongile ira jejo jiireye ba anamaing'anela anno anafwanyeya kagali angelro otchena. Aliwa basakunlre ira iireye eno ira atu atene okalawo kawande iziwa ira Wenno Ukwaranyile Jatene gunatonga umwene wa atu atene a mwilamboni ya vati. Eto liyene gunawanda nvaha umwene mutu wenne unanfunana liye eto liye unowanda nvaha mutu wenno uli mung'onong'ono mwa atu atene!> >>

Daniyeli 6:3

Evale mulombwana Daniyeli ohooneyiha kala ministuru owandetchetcha hiyanihana na aministuru afwaye ambinli ale, vamohi na agovernadore ale. Tchoira liye ohokana makalelo apama kwaranya. Mwa enne mwenole agaonne makalelo anna liye, ohelavo zelru ira amuhambihe Daniyeli ule akale mundimuwa wa andimuwa atene a umwene waye.

Eberewu 1:3

Ule umuonne Mwanaye, umala ona undimuwa unna Mulugu. Mwanaye wenno eto unafwanyeya agali Mulugu. Muwari mowonga mwaye wa kopolo bahi, liye unnave sogolrelra ilambo ya zulu na ilambo ya vati. Agamanle nikwela muwari mohuwa jotega jehu, liye ugarati zulu muwononi odjana wa mpando wa Wenno unna Undimuwa.

Tiyagu 2:5

Abalaga anaaziveliwa miyo kavuruwanani. Mulugu ohasakulra atu osimela a mwilamboni ira kakale orayela zela kana nroromelo eto ira kakale ofuna watchela Umwene wa Mulugu wenno alumbenle liye avaha anno anamuziveliwa.

Jowandeliwa 1:6

eto uwandile nitukula hiyo, nisakanyeda ira nikale anamakuta muUmweneni mwa Babaye Mulugu. Undimuwa unna liye, utongi unna liye udowegeve sogolro kala no kala. Ame!

Jowandeliwa 22:5

Umahiyu kuza ukalawo. Ale anakalege emule kiza kasauwelaga moneya wa panti nari wa nzuwa mwasiwa Nabwiya Mulugu gunaza akale moneya wa sidadile. Eto aliwa anoza kasogolrelrege kala no kala.

Jowandeliwa 3:21

Miyo voira dihigondjiha, dihivahiwa utongi ira digarati mpando wa umwene wa Baba. Nona mutu wenne unagondjihe, nnonvaha ira agarati na miyo vano mpando wa umwene mmohive digaratile miyo.

Jowandeliwa 5:10

eto muhavolotchiha muUmweneni mwenyu, nyo asandutcha ira kakale anamakuta na amwene a Mulugu wehu ira kaze katonge ilambo yatene ya vati.>>

1 Samuweli 15:17

Samuweli ohomuwandelaga eraga: <<Masiki weyo wa mwinnya uvionege nnga mutu ohokana mabasa, Yehova mbwenye uhambihile weyo ira ukale muru wa malogo a aIzarayeli, mwene wa Izarayeli.