1 Samuweli 2:6 - Mazu Otchena a Mulungu

⁶ Yehova gunanvaha mutu ingumi eto gunamuwaka. Liye gunamutitiheda mutu Nimburo na Anokwa eto liyene gunamuvenyiha mokwani.

1 Samuweli 2:6 ပူးပေါင်းရင်းမြစ်များ

1 Amwene 17:22

Mwa enne Yehova ohovwaga kuwa wa Eliya, kalawo wa mwanole muwelela akoka, liye kana ingumi.

2 Amwene 5:7

Mwa enne mwene wa Izarayeli ule agailerile karta nne, ohokawulaga jowara jaye eraga: <<Kodi miyo dili Mulugu ira nnowanda mpa mutu nari nvaha ingumi? Kodi mwasiwa gwa nni mwene wa Siriya dirumihedaga mutu ira dinvulumutche? Eni liye unasakavo mwasa bahi.>>

Izaiya 26:19

Atu enyu okwa anoza kakayena ingumi. Mitembo diwa nnoza divenye. Ale anakala tumbulruni anoza kavenye kaimbe mohagalala. Mwasiwa ningame nenyu ti ningame novaha ingumi. Sawasawa ilambo ya vati inoza yaabale ale kakwile wanle.

Matewuji 12:40

Tchoira sawasawa nnga mulombwana Jonasi ohomala malambo mararu ntana na mahiyu mbani mwa somba indimuwa, Mwana wa Mutu na liyene unomala malambo mararu ntana na mahiyu vati va teya.

Juwawu 11:25

Vevale Yesu ohomuwandela eraga: <<Miyo dili maliba avenyiha atu mokwani eto dili maliba avaha atu ingumi. Ule unadiroromela, masiki akwe, unokalawo.

Detoronomiyo 32:39

Kaing'anani, peno uliwo gu miyo bahi, kaliwo Mulugu mmohiwa. Miyo dili wenno unapa eto dili wenno unawanda mukalihawo mutu. Miyo dili maliba porotcha na maliba vulumutcha. Kalivo unawanda mutawiha wenno uli mmandani mwaga.

Jowandeliwa 1:18

Miyo dili wenno unna ingumi. Dohokwa, mbwenye kaing'anani, dihikalawo eto nnerege kalawo kala no kala. Eto dihikana maxavi a Ukwa na maxavi a Nimburo na Anokwa.

1 Samuweli 20:3

Davi ohowongagave na Jonata eraga: <<Miyo nnalumbela ira babawo uhuiziwa ira weyo udifwewela murima. Nona liye hauwandelaga, mwasiwa uhuiziwa ira: <Mwanaga Jonata uhuwandana na Davi. Dera dimuwandele ira nnafuna dimpe Davi, liye unerege kana kukumuwa ulukulu mmirimani mwaye.> >> Davi ohowongagave eraga: <<Miyo mbwenye nnawonga vamentoni va Yehova okalawo eto nnawonga vamentoni vawo ira miyo na ibaribari eni ukwa unodihara, uli vakwikwive na miyo!>>