1 Samuweli 2:25 - Mazu Otchena a Mulungu

²⁵ Eto muiziwe ira mutu amutegela mutu nfwaye, Mulugu unowanda nvunela. Nnga mutu amutegela Mulugu, unafuna nvunela bani?>> Eli agawongile eno, ahimaye ale tchafunne vwelela jawonga babiwa mwasiwa ali yofuna ya Yehova ira aape ahimale.

1 Samuweli 2:25 ပူးပေါင်းရင်းမြစ်များ

Jenesesi 38:10

Yenne yairana liye yali yengo yotakala vamentoni va Yehova. Na mwasa wenne, Yehova ohompa na liyene.

Jenesesi 38:7

Mbwenye Eri mwana murandji baliwa wa Juda ali mutu wabure vamentoni va Yehova. Na mwasa wenne, Yehova ohompa.

1 Amwene 8:31

<<Eto mutu awongiwa ira uhukana mulandu omutegela nfwaye, atu kamuzagana ira kamulumbelihe vaibuwani va nyumba yenna, liye alumbela,

1 Amwene 8:32

vuruwanani zulu wewo, mulabe eto mutonge jejo. Akala mutule oirana, mmutonge na makalelo ofwanela tongiwa. Akala kairilena, muwande oniha ira mutule unukediwe vasayi vene eto muwande mukamiheda molingana na makalelo aye apama.

Detoronomiyo 1:17

Mwatongaga, kamukayena nsakulro. Masiki kala andimuwa nari atu ohokala andimuwa, matongeluwa kakalege mamohive. Eto mwatongaga, kammuovege mutu, mwasiwa mwinnya unatonga gu Mulugu. Mbwenye mwaona muselu orutcha, muzegena wa miyo. Mwazana, miyo nnotonga.>

Detoronomiyo 2:30

<<Mbwenye miyo dagarumihile milanyo dile, mulombwana Seyoni mwene wa Ejiboni ule kafunile. Ohonikondiha hiyo vira mwilamboni mwaye, tchoira Yehova Mulugu wenyu ohomuummiha murima waye, liye nvaha murima onyinda ira ahanibalre. Mulugu airelena eno ira auvahedeni Seyoni mmandani mwenyu nnga munaonela nyo peno.

1 Timoteyo 2:5

Uliwo Mulugu mmohive bahi eto uliwo maliba niwandaniha mmohive bahi vari va hiyo atu na Mulugu, wenno unafwanyeya agali mutu, Yesu Kiristu.

Eberewu 10:26

Tchoira nadowave sogolro nitegaga komove nagamanle wandeliwa mazu a ibaribari, kavihanle mukuto mmohiwa unafuna rumelela jotega jejo.

Eberewu 10:27

Kilivo imohiwa inafuna hiyo dediha. So nnadedihege tongiwa wohokala wa masika wa Mulugu na munlo mulukulu wenno unafuna atolotcha amwidanaye bahi.

Eberewu 7:25

Nona liye unowanda avulusa mokwakwanela anno anafuna mukwivela Mulugu muwari mwa liye. Tchoira liye ukalawove kala no kala ira aalobelelege atwale vari va aliwa na Mulugu.

Jozuwe 11:20

Tchoira Yehova gwaaummihile mirima diwa ira atu atene kavenyege ira kawanege na aIzarayeli ira kahawendeliwe tangaranga, mbwenye kamale tolotchiwa no gudjuliwa nnga Yehova mwamurumele liye Mozeji.

1 Samuweli 3:14

Eto miyo nnolumbela vamentoni va akuda Eli ira masiki aliwa kavelele mukuto ohokala wa masika na jovelela jimohi jiwa, kadiza dilevelela jotakala jewa.>>