1 Samuweli 2:2 - Mazu Otchena a Mulungu

² Kalivo mutu mmohiwa otchena olingana na Yehova. Kalivo mulugu mmohiwa ahali nyo. Eto kaniliwo nibwe nimohi niwa nnabarela nolingana na nyo Mulugu wehu.

1 Samuweli 2:2 ပူးပေါင်းရင်းမြစ်များ

2 Samuweli 22:3

Yehova gu Mulugu waga, gu nibwe naga. Miyo nnatawela mwa liye. Liye gu defeza yaga eto gu kopolo dodivulusa, liye gu votawela vaga volimba eto liye gu nimburo naga notawelamo! Yehova gu Nvulusi waga. Nyo Yehova munowanda divunela muubureni mwatene!

2 Samuweli 22:32

Kodi uli Mulugu bani ahali Yehova? Eto uli nibwe bani ahali Mulugu wehu?

2 Samuweli 7:22

Mwa eno, nyo so Nabwiya Yehova muli mundimuwa. Tchoira kaliwo okwakwanela na nyo. Na mwasa wa jatene jivwile hiyo na mabaru ehu zela nyo, nnowanda rumela ira kaliwo Mulugu mmohiwa ahali nyo bahi!

1 Amwene 8:23

Liye roma lobela eraga: <<So Yehova Mulugu wa Izarayeli! Kaliwo Mulugu olingana na nyo nne ilambo ya zulu, nne ilambo ya vati. Nyo Mulugu munokoya yopangana yenyu eto munaairela upama wenyu anamalaba enyu anno anawenda vamentoni venyu na mmirimani mwewa mwatene.

Ezodu 15:11

So Yehova, kodi amilugu bavi analingana na nyo? Uli nnga nyo bani? Nyo muli otchenetchetcha, eto muli owopiha moirana jengo jindimuwa na jotikiniha!

Izaiya 40:18

Kodi nyo munawanda mufwalrafwaniha Mulugu na ani? Kodi nlandaniho tivi nili nnga liye?

Izaiya 44:6

Yehova, Mwene wa Izarayeli eto Namawombola waye, Yehova wa Makuru Matene unawonga ira: <<Miyo dili oroma eto dili ogomiheda. Hiya miyo kaliwo mulugu mmohiwa.

Izaiya 44:8

Kamurendjeye eto kamuove, kahi miyo diromile wanle uwandelani ja sogolro? Nyo muli amboni aga. Kodi ukalawo mulugu mmohiwa hiya miyo vano? Nari. Kaniliwo nibwe nimohi niwa. Dihiziwa ira kaniliwo nibwe nimohi ahali miyo Yehova.>>

Izaiya 57:15

Tchoira wenno uli vazulu va atene eto wenno uli otukuleleya, wenno uliwo tempu datene, wenno unna nzina na Otchena unawonga ira: <<Miyo nnakala nimburo na zulu eto nagali notchena. Mbwenye eto miyo nnokala vamohi na mutu wenno unatwaruwa eto unaviyeviha. Nnomulimbiha wenno uli oviyeviha eto nnoalimbiha murima aliba twaruwa.

Izaiya 6:3

Aserafini ale kohokuwaga keraga: <<Otchena, otchena, otchena gu Yehova wa Makuru Matene. Undimuwa waye uzala ilambo ya vati.>>

Roma 15:4

Kodi zela mazu a Mulugu kalrembiwe wanle mMazuni, kalrembiwele nni? Kalrembiwele ira kanifundjihe ibaribari ira nivilele eto nilimbihiwe muwari mwa mazwale. Evale nnokala olimbene zela yoing'anela inna hiyo.

Roma 4:8

Orelihiwa gwenno Nabwiya unatimiha liye jotega jaye.>>

Detoronomiyo 3:24

<Nabwiya Yehova, nyo muhuroma dioniha miyo namalaba wenyu undimuwa wenyu vamohi na ndanda nenyu na kopolo. Tchoira zulu na ilambo ya vati kaliwo Mulugu mmohiwa unawanda irana nnga jejo jinaira nyo, nne kalivo unna kopolo dolingana na kopolo denyu.

Detoronomiyo 32:20

Evale liye ohoira: <Miyo nnotawiha kove yaga, dione makalelo anafuna atu gomela. Mwasiwa aIzarayeli ba atu oviringana, ba ahima ohororomeleya.

Detoronomiyo 32:39

Kaing'anani, peno uliwo gu miyo bahi, kaliwo Mulugu mmohiwa. Miyo dili wenno unapa eto dili wenno unawanda mukalihawo mutu. Miyo dili maliba porotcha na maliba vulumutcha. Kalivo unawanda mutawiha wenno uli mmandani mwaga.

Detoronomiyo 32:4

<<Liye gu Nibwe nindimuwa eto jolaba jaye jatene ti jolaba jokwakwanela, tchoira ndila daye datene nnafwanyeya dagali ndila dapama. Mulugu gororomeleya, muwari mwa liye kamunafwanyeya jonyenga. Mulugu unafwanyeya agali wapama eto owongowa.

Detoronomiyo 4:35

Nyo mohoonihiwa jatene ejile ira muiziwe ira Yehova unafwanyeya agali Mulugu. Kaliwo Mulugu mmohiwa ahali liye.

Detoronomiyo 4:39

Nona peno inafwanela muiziwe eto muumbuwelege mmirimani mwenyu ira Yehova bahi gunafwanyeya agali Mulugu wa zulu na ilambo ya vati. Kaliwo Mulugu mmohiwa.

1 Peduru 1:16

Tchoira mazu a Mulugu anawonga ira: <<Mukale otchena, mwasiwa na miyene dili Otchena.>>