1 Samuweli 2:13 - Mazu Otchena a Mulungu

¹³ Aliwa nne tchahara nlamulo na Yehova. Kohokana makalelo amohiwa abure kalemenle atu. Makaleluwa kairetcha eni. Mutu aza velela mukuto, yapiyiwa nyama yazilena liye ile, yagalive veko evale itanuwaga, evale namakuta ule omurumetcha nkamihedi waye na garfu nlukulu nokana meno mararu.

1 Samuweli 2:13 ပူးပေါင်းရင်းမြစ်များ

1 Samuweli 2:14

Liye afiya wewule, obwiniha garfu nlukulu nne mwemo mwapiya liye, kaya ali panela, kaya bati, kaya muno, kaya ndjabi. Tempu yakumihamo liye garfu nne mpanelani mule, nyama yatene yakamelela garfuni ule yakala ya namakuta. Yenno yali yengo yabure yalemelele anamakuta irana fendo datene muIzarayeli adowa velela mukuto sidadi ya Silo.

1 Samuweli 2:22

Mulombwana Eli ohomala ulula. Liye owandeliwetcha jabure jatene jaira ahimaye kaairelaga aIzarayeli. Eto owandeliwetcha zela makalelo kairetcha ahimaye agonihaga anamwali kalaba va mulango va Musasa Ogumanamo.

1 Samuweli 2:29

Nnga mwasiwa gwa nni nyo luluvihaga mikuto daga na jovelela jejo jaurumileni miyo ira muirena, mufunaga nnga jikale jenyu? We mulombwana Eli, kodi mwasiwa gwa nni we atetelaga ahimawo dikwaranya miyo? Kodi mwasiwa gwa nni we viruvihaga vamohi na ahimawo muwari modja japama japama ja mikuto datene nnavelela atwaga aIzarayeli?> >>