1 Samuweli 2:10 - Mazu Otchena a Mulungu

¹⁰ Yehova unoza aabwanyule amwidanaye. Eto unoza aamorihede ndari dilukulu. Yehova unotonga ilambo yatene ya vati. Eto unoza anvahe kopolo mwene waye eto unoza avweyihe kopolo da wenno Yehova umuhambihile liye.>>

1 Samuweli 2:10 ပူးပေါင်းရင်းမြစ်များ

2 Samuweli 22:14

Noira eno, Yehova ohoruma nnga ndari zulu eto Wenno Ukwaranyile Jatene ohovweyiha nizu naye!

2 Samuweli 7:13

Liye mbwenye gunafuna manga nyumba ira nzina naga nikalegemo. Eto miyo nnosakanya ira umwene waye ukale umwene wa mukalakala.

2 Samuweli 7:8

Yehova ohowongaga na Nata eraga: <<Na mwasa wenno, weyo uvenye udowe wamuwandele namalaba waga Davi wire: <Yehova wa Makuru Matene gunawonga ira: <<Miyo dukumihile mukokolani mwemo mwawenda we mundulri mwa mabila ira udowe wakale musogolrelri wa atwaga aIzarayeli!

Ezodu 15:6

So Yehova, ndanda nenyu nodjana ti ndanda na kopolo dohokala da masika. So Yehova ndanda nenyu nodjana nnoagwadanya amwidani.

Izaiya 29:6

Yehova wa Makuru Matene unoza aupande, no jerima na vindarandara, na jonla jindimuwa jotiya baruni. Unoza arume eto nalripembezu na nipevo nlukulu, na malumi a munlo otumeya jengo.

Izaiya 32:1

Kaing'anani, ukala mwene unafuna za tonga mwapama eto asogolrelri aye anoza katonge na matongelo a ibaribari.

Izaiya 45:24

<<Atu anerege wonga zela miyo ira: <Upama na kopolo jinafwanyeya muwari mwa Yehova bahi.> Mbwenye atene anno kamutakaleliwilena, anoza kaze wa liye, kakayena manyazo.

Matewuji 25:34

Mwa enne mwenole unoza awongege na atu anne anaze kafwanyeyege muwononi waye odjana erege: <Zani, nyo atu orelihiwa na Baba. Zani muwatchele umwene wenno usakanyediwe para nyo roma mapanduwelo a ilambo.

Matewuji 28:18

Noira enne, Yesu ohodowa vali anamamuharaye, aawandelaga eraga: <<Dihimala vahiwa utongi watene wa ilambo ya zulu na ilambwela ya vati.

Lukaji 1:69

Mwasiwa liye gumurumile Nvulusi waye wa kopolo ira aze wa hiyo. Liye azaga, unakumela muzizani mwa Davi namalaba waye.

Lukaji 19:27

Evale ohowongaga eraga: <Mwaazena amwidani atene, anno kahafunile ira miyo dikale mwene wewa, mwaape tchineneva vamentoni vaga daaing'anaga!> >>

Joira ja Anamarumiwa 10:38

Eto muhuiziwa ira Mulugu ohomuhambiha Yesu wa Nazareti na Munemba Otchena na kopolo. Mwa enne liye ohoroma wendawenda airagana jatene japama, aavulumutchaga ale kazuzumihiwa na Diyabo mwasiwa Mulugu ali na liye.

Joira ja Anamarumiwa 4:27

Aliwa koholobelave keraga: <<Mwa ibaribari so Nabwiya, sidadi ili hiyo ila, jatene jawongile Davi jihifiya mwa Yesu. Tchoira nyo mwagamuhambihile Namalaba wenyu Otchena, mwene Erodi na Ponsiyu Pilatu na atu amohi ohokala aJudewu vamohi na aIzarayeli kohogumanela ira kawanawane na liye.

2 Korinto 5:10

Tchoira hiyo atene nnoza nifiye mpando otonga wa Kiristu ira kada mutu awatchele yotambilra yaye zela joira jaye jaira liye ora yawenda liye mmaningoni mwaye, akala jali japama nari akala jali jabure.

Anamasogolrelra 5:31

<<Yehova amwidaninyu atene katolowe na makalelo amohive anno! Mbwenye atu anne anauziveliwani, kakale nnga nzuwa nakumaga mwa kopolo diwa.>> Mwa enne ilambo yohokana murendele fiyeda yaka 40.

1 Samuweli 12:13

<<Mwene mwamusakunlre nyo ula. Nyo mohonvepa Yehova eto eni uhuuvahani mwene ira autongegeni.

1 Samuweli 12:17

Tempu ili hiyo ila tchi tempu yohorumbwa muzongwe eto tirigu unarendiwa! Mwa eno, miyo nnafuna dilobele wa Yehova ira arumbwihe muzongwe na ndari ira nyo muiziwe ira muhusakanya yotega ilukulu vamentoni va Yehova munvepaga ira auvaheni mwene.>>

1 Samuweli 12:18

Evale Samuweli oholobela, liye nvepa Yehova. Siku nimohive nenne ohorumbwaga muzongwe ohokala wa masika wa ndari. Noira eno, atu atenene kohoroma muova Yehova, vamohi na mulombwana Samuweli.

1 Samuweli 12:3

Miyo peno dili vamentoni venyu. Akala dihisakanya yengo yabure, muwari mwa utongi waga watene, muwonge tchineneva vamentoni va Yehova na vamentoni va mwene wenno umuhambihile liye. Muwonge akala miyo dilabaga mabasaga matene dihitukula ng'ombe nari buru wa mwinnya nari akala miyo dohomudjelra mutu nari akala dihibabiha muharahara mutu. Akala dohowatchela kunya ya mutu ira dimutongele milandu daye pama, muwonge. Akala miyo dihiirana mwa jengo jatene jiwongile miyo ji, muwonge ira diwelihe.>>

1 Samuweli 15:28

Mwa enne Samuweli ohowongaga, liye ira: <<Peno Yehova uhukawula umwene wawo oatonga aIzarayeli, uhumusaka mutu mmohiwa wapama ira atongege hiyaniha na weyo.

1 Samuweli 16:1

Evale Yehova ohowongaga na Samuweli eraga: <<Kodi unaza uhiye mukumbanya Sawuli alini, agali miyo dihimala munyanyala ira liye ahakale mwene wa mulogo wa Izarayeli akoka? Uvenye utukule nnyanga, uzalihemo makura, umaruwe udowe sidadi ya Beleme. Wafiya wewo, udowe vande va mulombwana mmohi unaitaniwa Jese. Liye uhumukana mwanaye mmohi wenno dimusakunlre miyo ira akale mwene.>>

1 Samuweli 7:10

Fwanyeya ira tempu yenne mulombwana Samuweli avelelaga mukuto otumeya ule, ahanamaleve, tchi tempu yafiyaga aFilistewu ira karome wana na aIzarayeli. Mbwenye kahanaromeve wana, Yehova ohorumihaga ndari dilukulu, arendjetchaga aFilistewu eto ohosakanya ira aliwa kakale zagi zagi. Evale aliwa kohoroma tawa vamentoni va Ana Izarayeli.