1 Samuweli 19:5 - Mazu Otchena a Mulungu

⁵ Liye ohovilevela kwa, liye dowa wana na nFilistewu ule Goliya fiyeda mpa eto Yehova ohonikamiheda hiyo aIzarayeli atene fiyeda agondjiha aFilistewu na mwasa wa mulombwana Davi. Nyo eto muhuona jatene jejo. Mwagaonne, muhuziveliwa. Nnga mwasiwa gwa nni babani inafunela nyo irana yengo yotega nnga yenno, mufunaga joira mumpe Davi, liye ahautegenleni?>>

1 Samuweli 19:5 ပူးပေါင်းရင်းမြစ်များ

2 Samuweli 23:10

Mbwenye Eliyazare ohodowa aporotcha aFilistewu ale ekave. Ndanda naye nohowaheyaga fiyeda umma agali na supada naye nene mmandani. Siku nenne Yehova ohavahaga gondjiha wohokala wa masika. So aIzarayeli afwaye ale kazilege liye agamanle apa aFilistewu ale, aliwa za ira katukulege jowanana janna atu okwa ale.

1 Koronika 11:14

mbwenye Eliyazari na afwaye kohoimelaga vari va mundole kambarelaga, aliwa apa aFilistewu. Yehova ohavaha gondjiha wohokala wa masika.

1 Koronika 11:18

Evale alombwana araru a kopolo ale kohovenyaga, aliwa dowa xolra vakapamentoni va aFilistewu, aliwa dowa runga mahindje isime yenno yafwanyeya wandamelana va mulango wa Beleme. Mbwenye kagafiyilena mahindjale wa Davi, liye kang'wilege. Mbwenye akutulenlege vati, vamentoni va Yehova.

Ezodu 14:13

Mozeji agavwile mazu anne, ohowonga na aIzarayeli eraga: <<Nyo kamuove eto kamutawe. Munafuna muone vulusa unafuna Yehova uirelani peno. AIjipitu anno anaaona nyo, peno ti siku nogomiheda. Kamunaaonegeve.

Matewuji 27:24

Mwa enne mulombwana Pilatu agaonne ira kawanda agondjiha anamwindjale na jowonga jaye eto na mwasa oira madugudugu kerave simbwa, ohotukula mahindje, liye hambamo mandaye vamentoni va anamwindji atene kaing'anaga, liye awandela eraga: <<Miyo kadinnavo yaga veva zela sangiri na mulombwanola. Unafuna rumelela sangiri naye gu nyenne nyoka!>>

Matewuji 27:4

Agaafwanyile, ohowongaga eraga: <<Miyo dihitega muwari moguliha sangiri na mutu ahategileve!>> Evale aliwa kohowakulaga, aliwa ira: <<Hiyo jejo kaniiziwile. Jejo jawo weka!>>

Juwawu 15:25

Mbwenye jatene ejo jinaireyela ira jikwakwanelihede jolremba jejo jinafwanyeya mmalamuloni mwewa ira: <Aliwa kohodiida vahali mwasa.>

Joira ja Anamarumiwa 20:24

Masiki eno, miyo nnoona ira ingumi yaga kinna mabasa, eto kahi yengo yofuneyetchetcha, nari. So nnafuna dimarihe korida inatamanga miyo, dimarihe mabasa udirumile Nabwiya Yesu ira divweyihe Muselu Wapama zela sayi da Mulugu.>>

Filipo 2:30

Tchoira nfwihu Epaforoditu afuna kwela zela laba mabasa a Kiristu. Voira nyo mwatene kamuwandile za dikamiheda miyo, liye ovelela ingumi yaye muwari mozana jejile jamurumilena nyo ira aze adivahe.

Eberewu 2:3

Akala wenno alramwisa mazu kawonga angelro wanle ohofiyeda tongiwa, nnga nalramwisa mazu azilena Nabwiya Yesu tchineneva ozela makalelo apama onivulusa, nnafuna nivulumuwe avi? Kavinawandeya. Fwanyeya ira aromile laleya Muselu Wapama onivulusa ali Nabwiya Yesu. Ale kavwile na Nabwiya Yesu banilaleyile hiyo, aliwa nivaha ibaribari.

Anamasogolrelra 12:3

Mwa enne miyo dagaonne ira kamwadivunela, dohofiyeda lramwisa ingumi yaga, miyo vira dowa wana na akuda Amoni. Eto Yehova ohodivaheda aliwa mmandani mwaga. Nnga kodi mwasiwa gwa nni nyo peno zaga ira muwane na miyo?>>

Anamasogolrelra 9:17

Tchoira miyo babaga ohowana vamalroni venyu, liye wanda lramwisa ingumi yaye, liye uwombolani mmandani mwa akuda Midiyani.

1 Samuweli 11:13

Mbwenye Sawuli ohowongaga eraga: <<Peno kalivo unafuna piwa mwasiwa peno Yehova uhavunela atwaye aIzarayeli.>>

1 Samuweli 14:45

Mbwenye anamwindjale kohowakulaga keraga: <<Kajinaireya. Ira mulombwana Jonata wenno uawombonle aIzarayeli akwe, nari, kajinaireya. Hiyo nnawonga vamentoni va Yehova okalawo ira kalivo unafuna moriheda vati nne nsisi naye nimohi. Tchoira jisakanyile Jonata peno ji, jiwandeyile na kopolo da Mulugu.>> Mwa enne anamwindji kohonvunela mulombwana Jonata ira liye ahakwe.

1 Samuweli 19:6

Mwa enne mulombwana Jonata agamanle muwandelamo babaye zela japama jaira Davi, Sawuli ohovwaga yovepa ya mwanaye Jonata, liye fiyeda lumbela ira: <<Miyo nnawonga vamentoni va Yehova okalawo ira miyo kannampa Davi.>>

1 Samuweli 20:32

Jonata ohonfuka babaye Sawuli eraga: <<Kodi Davi unapiwele nni? Liye utegile nni?>>

1 Samuweli 22:14

Evale Aimeleki ohomuwakulaga mwene Sawuli eraga: <<Kodi muwari mwa anamalabinyu atene, ukalamo mutu ororomeleya omukwaranya Davi? Davi eto kahi nkamwene wenyu? Liye eto gu musogolrelri wa agwarda a ingumi yenyu eto liye unorihediwa na atu atene a vande venyu.

1 Samuweli 28:21

Muhiyanole ohozaga valigi Sawuli vale, agamuonne ira ohokukumuwaga, ohomuwandelaga, liye ira: <<Miyo namalaba wenyu duhuvwelelani. Dohovilevela ingumi yaga, miyo irana yovepa yenyu.