1 Samuweli 19:24 - Mazu Otchena a Mulungu

²⁴ Agafiyile vande vali anamafiyiheda vale, ohowungulaga jowara jaye, liye roma wonga ja Mulugu vamentoni va Samuweli. Noira eno, ohogonanti vati mandave, liye kalave ogonantene siku natene fiyeda mahiyu atenene, unde fiyeda tcha agalive ogonantene mandave. Nona ante peno atu kawongaga ira: <<Kodi na Sawuli wenne gu namafiyiheda?>>

1 Samuweli 19:24 ပူးပေါင်းရင်းမြစ်များ

2 Samuweli 6:14

Evale mwene Davi agamanle velela mukuto wa Yehova, ohoromaga ina na kopolo daye datene vamentoni va Yehova momutamalela. Eto mwa tempu yenne ali agawarile kuleti ya unamakuta yosakanyiwa na usalru wapama.

2 Samuweli 6:20

Noira enne, mwene Davi ohodowa ira aarelihe atu a vande vaye. Mbwenye afiyaga wene vande vale, muhiyanaye wenno aitaniwa Mikali mwana Sawuli ohozaga gumana na liye eraga: <<Kodi jaira we jile peno ali nni? We kalaga nnga zimora ohokana manyazo, we waraga johokala pama, roma aoniha jengo jokoyeya ahiyana anno anaalaba anamalabinyu!>>

Izaiya 20:2

Tempu yenno Yehova ohowonga na Izaiya mwana Amoji liye ira: <<Udowe wawungule sakwi nnafwanyeya mmwinini mwawo na xineli dili mmanyaloni mwawo.>> Noira eno, Izaiya ohoirana ejo nnga mwawongele Yehova, liye wendaga mandave eto kawara xineli mmanyaloni mwaye.

Joira ja Anamarumiwa 9:21

Atu atene kanvwile, kohotikiniheya ira: <<Uluwole kahi mulombwana wenno awana na makalelo abure na atu anno karomola nzina neno Jeruzalemu? Eto ira akume waniwa aze uno, azele ahinda atu oromola nzina neno, aadowena wa andimuwa a anamakuta Jeruzalemu.>>

1 Samuweli 10:6

Era eno mobaranya Munemba wa Yehova unokala na weyo, evale unoroma kana makalelo a namafiyiheda vamohi na aliwa eto weyo mwa tempu yenne unotchindjeya ira ukale nnga mutu muxa.

1 Samuweli 15:35

Eto Samuweli kawelenle dowa mpanda Sawuli akoka. So mbwenye vakala liye, Samuweli omukumbanya Sawuli. Eto Yehova na liyene ohokumbanya ira: <<Kodi mwasiwa gwa nni diza dimusakulraga Sawuli ira akale mwene wa aIzarayeli?!>>

1 Samuweli 18:10

Mmetcheloni muwa, munemba wabure okumela wa Mulugu ule, ohomuzelaga mwene Sawuli. Evale liye ohoromaga sakanya jengo ja mihala mmba mwaye. Mwa enne Davi ohoroma imba arpa waye nnga molemelela. Tempu yenne Sawuli ohokana mwanango mmandani mwaye.