1 Samuweli 19:23 - Mazu Otchena a Mulungu

²³ Evale Sawuli ohovenyihanaga, adowaga Nayoti muwari mwa sidadi ya Rama. Adowaga, Munemba wa Mulugu ohozaga kala na liye, evale ohoromaga wonga ja Mulugu na ndila adowaga, ante liye fiya Nayoti ule awongagave ja Mulugu.

1 Samuweli 19:23 ပူးပေါင်းရင်းမြစ်များ

Matewuji 7:22

Siku neno nafiya, atu adjindji anoza kawongege kerege: <Nabwiya, Nabwiya, kahi hiyene nafiyihedetcha mazwinyu mwa nzina nenyu? Eto kahi hiyene natamangiha minemba dabure mwa nzina nenyu? Eto kahi hiyene nairetchana jotikiniha jidjindji mwa nzina nenyu?>

Juwawu 11:51

Fwanyeya ira mwa tempu yenne mundimuwa Kayafasi awongaga enne, kawongile muwari moonelramo mwaye, nari. Mbwenye muwari mokala mundimuwa wa anamakuta yaka yenne, Mulugu gwanvahile mazwale ira arome fiyiheda ira Yesu unokwela nlogo natene na aJudewu.

1 Korinto 13:2

Masiki dikayena kopolo dofiyiheda ja Mulugu johiyana hiyana, masiki diwande onelramo jengo jokoyeya na zelru datene, masiki dikayena nroromelo nowanda tamiha mwango mowonga, mbwenye dahawande muziveliwa nfwaga, mwa jatene ejo, kadinukileve yengo.

1 Samuweli 10:10

Sawuli na namalabaye ule kagafiyile ilambo ya Jibeya, kohogumanana nikuru na anamafiyiheda. Evale liye agagumanne na anamafiyiheda ale, Munemba wa Mulugu ohovolowaga mwa liye. Noira enne na liyene ohovolowaga kala na aliwa, liye roma wongaga ja Mulugu.

1 Samuweli 10:12

Eto mulombwana mmohiwa akala wewule ohowongaga, liye ira: <<Aa, nnga anamafiyiheda amohiwala? Kodi aliwa ira kakale anamafiyiheda, ababiwa kere kala anamafiyiheda?!>> Evale paromile wongiwa imariya yoira: <<Kodi na Sawuli wenne gu namafiyiheda?>>

1 Samuweli 10:6

Era eno mobaranya Munemba wa Yehova unokala na weyo, evale unoroma kana makalelo a namafiyiheda vamohi na aliwa eto weyo mwa tempu yenne unotchindjeya ira ukale nnga mutu muxa.

1 Samuweli 18:10

Mmetcheloni muwa, munemba wabure okumela wa Mulugu ule, ohomuzelaga mwene Sawuli. Evale liye ohoromaga sakanya jengo ja mihala mmba mwaye. Mwa enne Davi ohoroma imba arpa waye nnga molemelela. Tempu yenne Sawuli ohokana mwanango mmandani mwaye.

1 Samuweli 19:18

Evale Davi agatawile, adowilege ilambo ya Rama, liye dowa fiya vande va Samuweli muwandelamo jatene jamuirela mwene Sawuli. Noira eno, Samuweli ohomutukulaga Davi, aliwa dowa kalaga Nayoti.

1 Samuweli 19:20

Agavwile enne, oharuma alombwanaye ira: <<Kadowani mwamuhinde mulombwana Davi, wewo unafwanyeya liye wo.>> Aliba rumiwale kagafiyile wewule, kafwanyilege nikuru na anamafiyiheda neno nasogolrelriwa na mulombwana Samuweli kafiyihedaga ja Mulugu. Evale Mulugu ohomuruma Munemba waye dowa kala na alombwana a Sawuli ale, na aliwene roma wongaga ja Mulugu.

1 Samuweli 19:22

Evale Sawuli ohovenyaga liyene mwinnya adowaga ilambo ya Rama. Agafiyile vaisimeni ilukulu yafwanyeya ilambo ya Seko, ohofukedaga ira: <<Kodi Samuweli na Davi anafwanyeya waani?>> Atu kohomuwakulaga ira: <<Samuweli na Davi anafwanyeya Nayoti, sidadi ya Rama.>>