1 Samuweli 19:20 - Mazu Otchena a Mulungu

²⁰ Agavwile enne, oharuma alombwanaye ira: <<Kadowani mwamuhinde mulombwana Davi, wewo unafwanyeya liye wo.>> Aliba rumiwale kagafiyile wewule, kafwanyilege nikuru na anamafiyiheda neno nasogolrelriwa na mulombwana Samuweli kafiyihedaga ja Mulugu. Evale Mulugu ohomuruma Munemba waye dowa kala na alombwana a Sawuli ale, na aliwene roma wongaga ja Mulugu.

1 Samuweli 19:20 ပူးပေါင်းရင်းမြစ်များ

Juwawu 7:32

Mwa enne aFarizewu kafwanyeya evale kohovwaga ira anamwindji ale komuwonga Yesu. Mwa enne aFarizewu ale vamohi na andimuwa a anamakuta koharuma agwardiwa ira kadowe kamuhinde.

1 Korinto 14:3

Mbwenye wenno unafiyiheda unawonga na atu na iwongelo yovweya ira aliba vwa kawande ulukula muwari mwa nroromelo newa eto kalimbihiwe eto kawande didilihiwa murima muwari mwa makatamiho.

1 Samuweli 10:10

Sawuli na namalabaye ule kagafiyile ilambo ya Jibeya, kohogumanana nikuru na anamafiyiheda. Evale liye agagumanne na anamafiyiheda ale, Munemba wa Mulugu ohovolowaga mwa liye. Noira enne na liyene ohovolowaga kala na aliwa, liye roma wongaga ja Mulugu.

1 Samuweli 19:11

Noira eno, siku nimohive nenne natawenlege Davi vande vaye, Sawuli oharumaga alombwanaye ira: <<Mudowe mwanvitalele vaniwa ira metchelo na mabebehene mumpe!>> Mbwenye Davi muhiyanaye wenno aitaniwa Mikali, ohomuwandelaga mamunaye ule, liye ira: <<Kavenya utawe. Tchoira mahiyu anna wahatawe, metchelo unopiwa.>>

1 Samuweli 19:14

Evale alombwana karumiwe na Sawuli ale kagadowile ira kamuhinde Davi, Mikali ohawandelaga ira: <<Mamunaga uli mmba mu, unabulela.>>

1 Samuweli 19:19

Evale Sawuli ohovwa ira: <<Eni Davi unakala tatamo ya Nayoti muwari mwa sidadi ya Rama.>>

1 Samuweli 19:21

Mwa enne Sawuli agavwile ira: <<Atu waarumile we ale eni anawonga ja Mulugu>>, oharumaga amohiwa. Eto na anne kagadowile, kohoroma wonga ja Mulugu. Evale oharuma atu amohiwa fendo yaneraru, na aliwene eto kohovolowaga nikuru na afwiwa ale, aliwa wongaga ja Mulugu.