1 Samuweli 19:18 - Mazu Otchena a Mulungu

¹⁸ Evale Davi agatawile, adowilege ilambo ya Rama, liye dowa fiya vande va Samuweli muwandelamo jatene jamuirela mwene Sawuli. Noira eno, Samuweli ohomutukulaga Davi, aliwa dowa kalaga Nayoti.

1 Samuweli 19:18 ပူးပေါင်းရင်းမြစ်များ

Tiyagu 5:16

Nona inafwanela mulrapelanege jotega jenyu mutu na nfwaye eto mulobelelanege mutu mmohi na nfwaye ira muwandege vulumutchiwa mwa maurenda enyu. Lobela wa mutu wapama uhukana kopolo dindimuwa dolaba jengo jidjindji.

1 Samuweli 1:19

Mmetcheloni muwa mulombwana Elikana na atu atene a vande vaye kohobehaga na mabebehene, aliwa kokora vamentoni va Yehova, kamutamalelaga. Kagamanle mutamalela, kohowelelaga waniwa ilambo ya Rama. Kagadowile vande viwa, Elikana ohogona na muhiyanaye Ana. Evale Yehova ohorumelaga yolobela ya Ana.

1 Samuweli 15:34

Noira eno, Samuweli ohodowaga waniwa Rama eto Sawuli ohowelelaga waniwa Jibeya.

1 Samuweli 19:19

Evale Sawuli ohovwa ira: <<Eni Davi unakala tatamo ya Nayoti muwari mwa sidadi ya Rama.>>

1 Samuweli 19:22

Evale Sawuli ohovenyaga liyene mwinnya adowaga ilambo ya Rama. Agafiyile vaisimeni ilukulu yafwanyeya ilambo ya Seko, ohofukedaga ira: <<Kodi Samuweli na Davi anafwanyeya waani?>> Atu kohomuwakulaga ira: <<Samuweli na Davi anafwanyeya Nayoti, sidadi ya Rama.>>

1 Samuweli 19:23

Evale Sawuli ohovenyihanaga, adowaga Nayoti muwari mwa sidadi ya Rama. Adowaga, Munemba wa Mulugu ohozaga kala na liye, evale ohoromaga wonga ja Mulugu na ndila adowaga, ante liye fiya Nayoti ule awongagave ja Mulugu.

1 Samuweli 20:1

Mwa tempu yenne Davi ohotawa Nayoti ilambo ya Rama wali Sawuli, liye dowa wafwanyeya Jonata. Aganfwannye Jonata, ohonfukaga eraga: <<Kodi miyo disakanyile yabure nni? Mulandu unna miyo gwa nni? Yotega tchivi isakanyile miyo yofwanela ira babawo adiharaharege ira adipe?>>

1 Samuweli 21:11

Mwa enne Davi aganfwannye mwene Akiji, asogolrelri atene a mundimuwa Akiji kohoromaga muwandela keraga: <<Andimuwa, kodi wenna kahi Davi mwene mundimuwa wa Izarayeli? Kahi wenna ahiyana kamuimbetcha atu keraga: <Sawuli uhapa atu tchikwi, mbwenye Davi uhapa atu matchikwi na matchikwi!>?>>

1 Samuweli 28:3

Tempu yenne yali tempu Samuweli agakwile. Eto vakwile liye aIzarayeli kohomunlelaga, nomala aliwa dowa mukoya waniwa sidadi ya Rama. Eto tempu yenno yali Sawuli agamanle atamangihamo mwilamboni mwa Izarayeli mule aliba kuta mukuto wa azimu na aliba tapanya na azimu.

1 Samuweli 7:17

Amala tonga milandu dile, owelela waniwa sidadi ya Rama eto wewule oasogolrelra aIzarayeli. Eto Samuweli ohomangawo ibuwa ya Yehova ilambo ya Rama ule.