1 Samuweli 19:13 - Mazu Otchena a Mulungu

¹³ Noira eno, Mikali ohotukulaga ikwamutu yosema, liye dowa igonantiha vakamani vagonetcha Davi. Ohotukulaga eto musamelro asakanyiwe na mawoya a mbuzi, liye dowa sameliha muru wa yosema ile. Nomala eno, ohoikunelaga na lensori.

1 Samuweli 19:13 ပူးပေါင်းရင်းမြစ်များ

Jenesesi 31:19

Fwanyeya ira tempu yavenyihanaga atu, Labawu aligi pandi imohiwa, asataga mabila. Evale Rakeli ohoba vikwamutu josema ja babaye, liye dowagana.

Anamasogolrelra 17:5

Eto Mika ohokana nimburo notamalela amilugu. Evale ohosakanya kuleti ya unamakuta vamohi na vikwamutu josema ja vande vaye, nomala eno liye muhambiha mwanaye mmohi wa mwanapongwe ira akale namakuta.

Anamasogolrelra 18:14

Evale alombwana atanu kadowile wendelela ilambo ya Layiji kohawandelaga abaliwale, aliwa ira: <<Kavuruwanani! Vande va vihikala kuleti ya unamakuta vamohi na vikwamutu josema ja vande vamohi na nlandaniho nosemiwa na nlandaniho nimohi niwa nonyungulrutchiwa. Inafwanela muumbuwele pama inafuna nyo iranavo.>>

Anamasogolrelra 18:17

Evale alombwana atanu anno kadowile wendelela ilambo, kohovolowaga, aliwa tukula nlandaniho nosemiwa nne na kuleti ya unamakuta ile vamohi na vikwamutu josema jile, vamohi na nlandaniho nonyungulrutchiwa nne. Namakuta muLevi ule aimenlege va mulango ovolowela vatando va Mika vale vamohi na alombwana 600 a Dani anno kanna jowanana ja kondoni ale.

1 Samuweli 19:16

Evale alombwanale kagadowile, funa volowa mmba ira kamutukule, vakamani vale kafwannyegevo ikwamutu yosema ile eto miruzuni uwa kafwanyilewo musamelro wenno asakanyiwe na mawoya a mbuzi.