1 Samuweli 19:1 - Mazu Otchena a Mulungu

¹ Siku nimohi Sawuli ohomuwandela mwanaye Jonata vamohi na asogolrelri aye atene ira: <<Miyo nnafuna mudowe mwampe Davi!>> Mbwenye voira mulombwana Jonata omuziveliwetchetcha Davi,

1 Samuweli 19:1 ပူးပေါင်းရင်းမြစ်များ

Jenesesi 37:18

Mbwenye Joze ule ahanafiye valigi atu vale, abalaye ale kohomuona liye azelaga olapela wene. Mwa enne kohoromaga mpanganela ira kampe.

2 Samuweli 4:8

Evale kohofiyaga sidadi ya Eboroni, aliwa dowana muru wa Isbozeti ule vamentoni va Davi, aliwa ira: <<Hiyo nihimuzana muru wa Isbozeti mwana Sawuli wenno ali mwidaninyu, wenno afunetcha joupani. Peno mbwenye Yehova uhuweliha kunyakunya ya Sawuli vamohi na ahimaye atene para nyo mbwiyeni so mwene!>>

1 Samuweli 18:1

Mwene Sawuli agamanle tapanya na Davi, mwana Sawuli wenno aitaniwa Jonata ohoroma wandana na Davi ule. Eto Jonata omuziveliwetchetcha Davi nnga mwaziveliwela liye ingumi yaye.

1 Samuweli 18:25

liye ohowongaga ira: <<Mudowe mwamuwandele Davi ira: <Mwene pete inafuna liye ira umutelena mwanaye, liye kanafuna kobiri, so unafuna udowe waape aFilistewu okwakwana 100, amala waagwade tembe nnakala sogolro wa yano ya ilombwana, jogwada jiwa uzena uno. Liye unafuna airena eno ira aawelihede kunyakunya aFilistewu.> >> Sawuli airaga jatene jejile, yobalra yaye yali yoira: <<Miyo nnafuna diirena eni ira mulombwana Davi tempu inadowege liye wana, adowe apiwe na aFilistewu kondoni.>>

1 Samuweli 18:3

Evale Jonata ohosakanya yopangana yowandana na Davi, mwasiwa liye omuziveliwa bure Davi nnga mwaziveliwela liye ingumi yaye.

1 Samuweli 18:8

Evale Sawuli agavwile ahiyanale kaimbaga enne, ohokukumuwaga valukulu. Eto ohotakaleliwaga, aumbuwelaga mmirimani mwaye ira: <<Aa, ahiyanala zela miyo anawonga ira daapile atu tchikwi eto zela Davi ani uhapa atu matchikwi na matchikwi! Eno ihanle para liye ku vahiwa umwene bahi.>>

1 Samuweli 18:9

Evale kuma siku nenne dowaga sogolro, mwene Sawuli ohoroma mukalela sandje Davi.

1 Samuweli 19:2

ohomaruwaga, liye dowa muwandela mulombwana Davi ira: <<Eni baba unafuna aupe. Nona inafwanela weyo metchelo uvenye muwari mozemba na mabebehene, udowe wavitale nimburo nohooneya na atu.

1 Samuweli 20:1

Mwa tempu yenne Davi ohotawa Nayoti ilambo ya Rama wali Sawuli, liye dowa wafwanyeya Jonata. Aganfwannye Jonata, ohonfukaga eraga: <<Kodi miyo disakanyile yabure nni? Mulandu unna miyo gwa nni? Yotega tchivi isakanyile miyo yofwanela ira babawo adiharaharege ira adipe?>>

1 Samuweli 20:19

Ndawiyavano weyo udowe nimburo nenne navitanle we fendo ile, tempu yaromile makatamiho ala, udowe wavitale hela wa mabwe anaitaniwa Ezeli anafwanyeya wewule. Udidedihege wewo.