1 Samuweli 18:4 - Mazu Otchena a Mulungu

⁴ Mwa enne muwari momuziveliwa mule, Jonata ohowungulaga kapaye yenno awaretcha liye, nvaha Davi eto ohonvaha jowara jaye ja kondoni vamohi na supada naye na urwa naye na sintu naye.

1 Samuweli 18:4 ပူးပေါင်းရင်းမြစ်များ

Jenesesi 41:42

Evale mwene Farawu ohowungula aneli waye wa umwene liye muwariha Joze muibunoni mwaye. Eto ohomuwarihaga nguwo dapama dosakanyiwa na usalru wapama, eto ohomuwarihaga kolare wa oru nkohini mwaye.

2 Samuweli 1:22

Urwa na Jonata nali urwa nopa, novuviha sangiri, noatolotcha andimuwa a kopolo. Eto supada na Sawuli kanaimwananetcha apa amwidanaye.

Izaiya 61:10

Nnoza dikayena hagalala ulukulu mwa Yehova. Ingumi yaga inohagalala mwa Mulugu waga. Mwasiwa vulusa udivahile liye unakala nnga jowara eto wongowa udivahile liye unodikunela nngave kapa. Dili nnga muteli avisakanyedaga pama, apotaga murwaye eto nnga namateliwa aviriyihaga pama na jengo joriya jinawara liye.

Lukaji 15:22

Mbwenye babayele ohawandelaga anamalabaye ira: <Mubaranye mudowe mwatukule bata yoriyetchetcha kwaranya, muzena mmuwarihe. Mwamala mmuwarihe aneli muibunoni mwaye eto mmuwarihe sapato.

2 Korinto 5:21

Ira nikale pama, Mulugu amukalihile wenno ahaiziwile yotega ira akale mutu otega ira muwari mwa liye, hiyo niwande kana upama wa Mulugu.

1 Samuweli 17:38

Mwa enne Sawuli ohomuwariha Davi jowara jaye ja kondoni. Liye tukula kapaseti wa mukuwa, liye muwariha eto ohomuwarihaga kamiza ya mukuwa.

1 Samuweli 18:5

Mwa enne Davi odowetcha mwatene mwene mwamurumetcha mwene Sawuli eto mwatene mwavira liye ogondjiha. Evale Sawuli ohomuhambiha Davi ira akale musogolrelri wa nikuru nimohi na anyakondo aye. Andimuwa atene, vamohi na alombwana atenene a Izarayeli kagaonne ira Sawuli umuhambiha Davi undimuwa, atene kohoziveliwaga valukulu.