1 Samuweli 18:30 - Mazu Otchena a Mulungu

³⁰ Fwanyeya ira fendo datene andimuwa a aFilistewu vavenya atu ira kadowe kawane, Davi oagondjiha aFilistewu adjindji hiyaniha na andimuwa a anyakondo amohiwa a mwene Sawuli. Na mwasa wenne, Davi ohovweya bure.

1 Samuweli 18:30 ပူးပေါင်းရင်းမြစ်များ

2 Samuweli 11:1

Yaka imohi, maromelo wene, tempu inadowetcha amwene kondoni, mwene Davi ohomurumaga musogolrelri waye wa anyakondo Jowabe vamohi na andimuwaye a izo na aIzarayeli atene ira kadowe kawane na aAmoni. Evale aliwa kohodowa roma agondjiha aAmoni ale. Evale anyakondo a Izarayeli kohodowa irindja sidadi ya Raba. Mbwenye mwa tempu yenne mwene Davi ahanlege Jeruzalemu.

2 Samuweli 7:9

Eto miyo dalive na weyo mwatene mwavira we eto dahatolotcha amwidanawo atene vamentoni vawo! Eto eni miyo nnoza diulukulihe nzina nawo ira nikale nnga mazina a andimuwa andimuwa anafwanyeya mwilamboni ya vati!

2 Amwene 1:13

Noira eno, mwene ohomurumaga musogolrelri mmohiwa waneraru na nikuru naye na anyakondo 50. Evale musogolrelri wa anyakondo ule agafiyile wa Eliya, ohomukokorela Eliya anvepaga momuguzela mwendo eraga: <<Nyo mutu wa Mulugu, nnouvepani ira miyo namalaba wenyu vamohi na anamalabinyu 50 ala, muniwendele tangaranga ira nahapiwe.

Daniyeli 1:20

Fendo datene mwene afuka liye zela yengo ili yatene yafuneya ira ilabiwena zelru nari iziwetchetcha, mwenole ofiyeda ona ira atu annayi ale kohokana toto didjindji akwaranya ang'anga okwima atene na aliba visangwisangwi atene kafwanyeya muumweneni mwaye.

Lukaji 21:15

Mwasiwa miyo nnoza duvaheni mazu no onelramo wewo amwidaninyu kahanawande atu runiha nne konda.

Efezo 5:15

Nona inafwanela muing'ane pama eto mawendelo enyu. Kamuwendege nnga avuruvuru mbwenye mukalege atu owenda na zelru.

1 Peduru 2:4

Nabwiya Yesu unafwanyeya agali nibwe na ingumi neno nakondile atu. Mbwenye vamentoni va Mulugu, Yesu unafwanyeya agali nibwe nosakulriwa eto nofuneya. Nyo muwari moza wa liye,

1 Peduru 2:7

Zela wa nyo munaroromela nibwe no, nibwe neno tofuneya. Mbwenye zela atu anne kahanaroromela, mazu anawonga ira: <<Nibwe neno nalramwisile aliba manga nyumba, peno ti nibwe na vamwendoni.>>

1 Samuweli 18:29

Na mwasa wenne, omuova mulombwana Davi valukulu vene eto ohofiyeda kala mwidani waye kalawo waye watene.

1 Samuweli 18:5

Mwa enne Davi odowetcha mwatene mwene mwamurumetcha mwene Sawuli eto mwatene mwavira liye ogondjiha. Evale Sawuli ohomuhambiha Davi ira akale musogolrelri wa nikuru nimohi na anyakondo aye. Andimuwa atene, vamohi na alombwana atenene a Izarayeli kagaonne ira Sawuli umuhambiha Davi undimuwa, atene kohoziveliwaga valukulu.

1 Samuweli 19:8

Noira eno, yohooneya kondo imohiwa aIzarayeli akokene na aFilistewu. Evale Davi na anyakondo aye kohodowaga wana na aFilistewu ale. Muwari mowana mule, kohapaga aFilistewu adjindji, amohiwa kohotawaga.

1 Samuweli 2:30

<<Nona Yehova Mulugu wa Izarayeli gunawonga ira: <Miyo dohosakulra ziza nawo na ziza na babawo Arawu ira mukale anamakuta vamentoni vaga kala no kala. Mbwenye peno miyo dagali Yehova nnawonga ira nyo kamunakalegeve anamakuta aga mwasiwa miyo nnoariheda atu anne anadiriheda eto nnoalramwisa anne anadilramwisa.

1 Samuweli 26:21

Evale Sawuli ohowongaga eraga: <<Na ibaribari mwanaga Davi miyo duhutegela! Mwanaga, kawelela vande na miyo! Miyo kadiza duirela yabure ili yatene, mwasiwa weyo uhuwanda koya ingumi yaga mahiyu anna, we kudipile. Miyo dali nnga zimora mwa joira jaga. Na ibaribari miyo dihiviringaniha!>>

1 Samuweli 26:24

Na makalelo mamohive nnga dikoyile miyo ingumi yenyu peno va, Yehova akale wenno unafuna dikoya miyo ingumi yaga eto adikumihemo mmakatamihoni mwatene.>>