1 Samuweli 18:28 - Mazu Otchena a Mulungu

²⁸ Mwa enne Sawuli ohoona ira: <<Yehova ulive na Davi eto mwanaga Mikali unomuziveliwa.>>

1 Samuweli 18:28 ပူးပေါင်းရင်းမြစ်များ

Jenesesi 26:28

Aliwa kohomuwakulaga keraga: <<Tchoira nihiona ira na ibaribari Yehova uli na weyo. Mwa eno, nihifiyeda umbuwela ira: <Tchapama nidowe nagumane na liye ira niwandane.> Nnafuna ira nisakanye yopangana yowandana na weyo.

Jenesesi 30:27

Evale Labawu ohomuwakula eraga: <<Akala munodifwewela murima, dera mukalege wewuno vamohi na miyo. Tchoira makanga kohodiwandela ira Yehova uhudireliha na mwasa wa nyo kala vamohi na miyo.

Jenesesi 39:3

Potifare ohoona ira Yehova ali na Joze eto Yehova omureliha zela mabasa matene alaba liye.

Jowandeliwa 3:9

<<Kaing'anani, miyo nnosakanya ira anno anafwanyeya kagali nyumba dofundjamo mazu da Satana, anno anaviitana aJudewu kahali, keraga nama, miyo nnosakanya ira aliwa kaze kakokore vamanyaloni venyu, kafiyedaga iziwa ira miyo duhuzivelani.

1 Samuweli 18:20

Mwa enne Sawuli ohomukana mwanaye wa muhiyana mmohiwa aitaniwa Mikali. Mikali ule ohomuziveliwa Davi nnga amutele. Mwa enne mwene Sawuli agavwile jejile ohoziveliwaga.

1 Samuweli 18:27

mulombwana Davi na alombwana aye kohovenyaga, aliwa dowa apa aFilistewu 200. Mwa enne liye ohagwadagawo jafuna mwene jile, nomala eno ohotukulaga jatene, liye dowa nvaheda mwene Sawuli ira atele. Evale Sawuli ohonvaheda mwanaye Mikali, liye mutela.

1 Samuweli 18:29

Na mwasa wenne, omuova mulombwana Davi valukulu vene eto ohofiyeda kala mwidani waye kalawo waye watene.

1 Samuweli 24:20

Peno miyo dihikana ibaribari ira weyo unokala mwene. Eto watongaga, umwene wa aIzarayeli unerege wenda mwapama.

1 Samuweli 26:25

Evale Sawuli ohowongaga eraga: <<Mwanaga Davi, Mulugu aurelihe! Weyo unerege irana jengo jilukulu eto jatene jinasakanyege we, jinerege kwakwanela!>> Noira eno, Davi ohodowaga jaye eto Sawuli ohowelelaga vande.