1 Samuweli 18:1 - Mazu Otchena a Mulungu

¹ Mwene Sawuli agamanle tapanya na Davi, mwana Sawuli wenno aitaniwa Jonata ohoroma wandana na Davi ule. Eto Jonata omuziveliwetchetcha Davi nnga mwaziveliwela liye ingumi yaye.

1 Samuweli 18:1 ပူးပေါင်းရင်းမြစ်များ

Jenesesi 44:30

<<Nona, miyo kannawanda welela wa baba namalaba wenyu. Tchoira miyo dadowa eno, dahamudowilena muzombwela, voira unosimbwetchetcha muziveliwa,

2 Samuweli 1:26

Miyo nnounlela weyo, mbalaga Jonata. Weyo wali nfwaga dauziveliwa miyo! Dizivela wawo wali otikiniha. Weyo dizivela wawo wohokwaranya zivela unakana ahiyana.

1 Koronika 12:17

Davi ohokumaga, liye dowa gumana na aliwa, liye awongana eraga: <<Akala muzile mwa murendele ira mudikamihede, miyo nnouwatchelani na mmirimani mwaga mwatene. Mbwenye akala muzele ira mudivelele wa amwidanaga miyo dahategileve, Mulugu wa makolo ehu gunafuna iziwa eto gunafuna utongani.

Detoronomiyo 13:6

<<Akala mbalawo wa ingulu imohive na weyo, nari mwanawo wa mwanapongwe owu wa mwana muhiyana, nari muhiyanawo unamugonana we, nari nfwawo wenno unamuziveliwa we nnga maningo awo, aza auwongagana mazu ofuna uholotcha eraga: <Ndowe naatamalelege amilugu amohiwa> ahali Mulugu umuiziwile we, nne makolo awo kahamuiziwile atu,

Koloso 2:2

ira mulimbiheye mmirimani mwenyu mwagali atu oluweya vamohi muwari mozivelana. Ili ira muwande kana rayela wewo ozela kana ibaribari no onelramo mohokayikela zela Kiristu. Fwanyeya ira Kiristu wanle ali nnga yengo yohoiziweya burebure Mulugu aiziwile liye ekave.

Anamasogolrelra 20:11

Mwa enne aIzarayeli atene anne kohogumanelaga muwari movwanana nnga mutu mmohi ira kadowe kawane na sidadi ya Jibeya.

1 Samuweli 14:45

Mbwenye anamwindjale kohowakulaga keraga: <<Kajinaireya. Ira mulombwana Jonata wenno uawombonle aIzarayeli akwe, nari, kajinaireya. Hiyo nnawonga vamentoni va Yehova okalawo ira kalivo unafuna moriheda vati nne nsisi naye nimohi. Tchoira jisakanyile Jonata peno ji, jiwandeyile na kopolo da Mulugu.>> Mwa enne anamwindji kohonvunela mulombwana Jonata ira liye ahakwe.

1 Samuweli 18:3

Evale Jonata ohosakanya yopangana yowandana na Davi, mwasiwa liye omuziveliwa bure Davi nnga mwaziveliwela liye ingumi yaye.

1 Samuweli 19:1

Siku nimohi Sawuli ohomuwandela mwanaye Jonata vamohi na asogolrelri aye atene ira: <<Miyo nnafuna mudowe mwampe Davi!>> Mbwenye voira mulombwana Jonata omuziveliwetchetcha Davi,

1 Samuweli 19:2

ohomaruwaga, liye dowa muwandela mulombwana Davi ira: <<Eni baba unafuna aupe. Nona inafwanela weyo metchelo uvenye muwari mozemba na mabebehene, udowe wavitale nimburo nohooneya na atu.

1 Samuweli 20:17

Evale Jonata ohomuwongana Davi ira: <<Miyo nnafuna ulumbele akoka zela zivelana wehu.>> Jonata amulumbelihaga Davi fendo yanembinli ali na mwasa oira liye omuziveliwa nfwaye Davi ule nnga mwaviziveliwela liye mwinnya.

1 Samuweli 20:8

Nnouvepa ira udiirele miyo namalaba wawo upama, mwasiwa weyo wohosakanya yopangana yowandana na miyo vamentoni va Yehova. Mbwenye akala miyo duhusakanyela ibure, weyo udipe wa mwinnya, hiyaniha no divaheda mmandani mwa babawo ira adipe.>>

1 Samuweli 22:8

Kodi mwasiwa gwenno munadipanganela nyo? Tchoira mwanaga Jonata uhusakanya yopangana na mwana Jese eto nyo mwagaonne jejo, kamuzile diwandela. Muwari mwa nyo kalivo unadikumbanyeda. Mwasiwa ahakanlege nyo mudikumbanyedaga, mogoza mudiwandele ira mwanaga umukanyiheda namalaba waga ira adivitalele ira awande dipa nnga jinaireya peno.>>

1 Samuweli 23:18

Nomala eno, kohosakanya yopangana yowandana vamentoni va Yehova ira wandana wewa udowegeve musogolro. Kagamanle enne, mulombwana Davi ohala Oreza ule eto Jonata ohodowaga waniwa wakoka wene.