1 Samuweli 17:46 - Mazu Otchena a Mulungu

⁴⁶ Peno eva Yehova unodivaheda weyo mmandani mwaga eto miyo nnoupa, digwade muru wawo. Miyo peno nnotukula maningo a anyakondo a aFilistewu, daavahe mbalrame dovava zulu na anavinyama a mukokolani. Jaireya eno, pa evo vanafuna atu atene a mwilamboni ya vati kaiziwe ira Mulugu wa Izarayeli ukalawo.

1 Samuweli 17:46 ပူးပေါင်းရင်းမြစ်များ

Jenesesi 40:19

Muwari mwa malambo mararu, Farawu unoukutcha mukadeya ira agwade muru wawo, automeye vaimirini. Era eno mbalrame nnerege za dingovolege mutembo wawo.>>

2 Samuweli 18:28

Mulombwana Ayimazi ule agazile, aganfwanyile mwene Davi, ohomukuwelaga eraga: <<Jatene jili japama jene.>> Noira enne, ohozaga, liye mukokorela mwene Davi, aoramihaga kove yaye ante fiyiha vati, liye kwi: <<Otamaleliwa akale Yehova Mulugu wenyu, wenno waavelenle mmandani mwihu amwidaninyu anno kafuna joupani nyo mbwiyeni so mwene!>>

2 Samuweli 21:10

Noira enne, muhiyana Rizipa mwana Ayiya ule, ohotukulaga sakwi, liye dowana tandela vanibweni wewule wakwile ahimaye ambinli na alombwana amohiwa atanu ale, roma gonelaga wewule, romela tempu ya mahandelo fiyeda siku narumbweliwege muzongwe atu atanu na ambinli kakwile ale. Eto liye na ntana kahiya ira mbalrame dovava zulu dingovolege maningo a atwale, nne na mahiyu kahiya ira anavinyama kazevo katakunege.

1 Amwene 8:43

vuruwanani zulu wewo munakala nyo, musakanye jatene jejo jinavepe liye ira atu atene a mwilamboni kaiziwe nzina nenyu ira kawandege uovani nnga jinaira atwinyu aIzarayeli eto ira kaiziwe ira nyumba yenna imangile miyo inaitaniwa na nzina nenyu.

1 Amwene 8:60

Jaireya eno, pa evo vanafuna iziwa atu atene a mwilamboni ira Yehova gu Mulugu eto kaliwo mmohiwa.

2 Amwene 19:19

Mbwenye nyo Yehova Mulugu wehu, nnouvepani, nivuneleni mmandani mwewa ira atu a maumwene matene kaiziwe ira nyo bahi gunafwanyeya mwagali Yehova Mulugu.>>

2 Amwene 5:15

Evale Namani vamohi na atwaye atene kohowelaga, aliwa dowa fiya vamentoni va mutu wa Mulugu ule, liye wonga eraga: <<Miyo peno dihiwanda iziwa ira na ibaribari ilambo yatene ya vati kaliwo Mulugu mmohiwa ahali Mulugu wa Izarayeli. Mwa eno, miyo namalaba wenyu nnouvepani ira muwande watchela mwana yovaha inafuna miyo uvahani.>>

Ezodu 9:16

Mbwenye ira miyo duhiye weyo ira ukalewo, diirele ira duonihe kopolo daga eto ira nzina naga niiziweye mwilamboni ya vati.

Izaiya 37:20

Mbwenye nyo Yehova Mulugu wehu, nivuneleni mmandani mwewa ira atu a maumwene matene kaiziwe ira nyo bahi gunafwanyeya mwagali Yehova.>>

Izaiya 52:10

Yehova ohooniha muwono waye otchena vamentoni va malogo matene, mmagomelo mwatene mwa ilambo ya vati anoza kaone vulusa wa Mulugu wehu.

Izaiya 56:9

Nyo anavinyama a mukokolani, nyo anavinyama owopiha a muguguruni muze, mudje.

Daniyeli 2:47

Evale mwene ule ohowongaga na mulombwana Daniyeli eraga: <<Na ibaribari Mulugu wenyu gu Mulugu wa amilugu atene eto gu Nabwiya wa amwene atene. Liye eto unowanda awandela atu jengo jokoyeya! Mwasiwa peno weyo uhuwanda diwandela yengo yohowanda iziweya!>>

Daniyeli 3:29

Na miyene eto nnafuna dikumihe nlamulo. Nlamulo niwa ti ni: Mwindji watene, malogo matene, atu a viwongelo datene, mutu wenno unawonge mazu abure wa Mulugu wa mulombwana Sadaraki, Mezaki na Abedenego, inafwanela agwadanyiwe yano yano eto nyumba yaye inomala bwanyuliwa. Mwasiwa kaliwo mulugu mmohiwa unawanda nvunela mutu na makalelo anna!>>

Matewuji 24:28

Vevo vinakale mutembo wa mutu okwa pi vevo vinafuna za gumana makuvi.>>

Detoronomiyo 28:26

Mitembo denyu nnerege kala jodja para mbalrame da zulu nari vinyama nnawenda vati, tchoira kavanaoneyege mutu mmohi ohala ira atamangihege mbalrame na vinyama dile.

Detoronomiyo 7:2

Yehova Mulugu wenyu amala uvahani ira mwaatolotche, na ibaribari inafwanela mwaatolotche atene. Kamusakanye yopangana yowandana na aliwa, nne kamwaawendele tangaranga,

Detoronomiyo 7:23

Yehova Mulugu wenyu unouvahedani aliwa vasogolro venyu eto unosakanya ira kawendege mpungwe mpungwe ante aliwa atene katolowe.

Jozuwe 10:8

Yehova ohomuwandela mulombwana Jozuwe eraga: <<Kwaove amwidani ale mwasiwa miyo dihimala uvaheda aliwa mmandani mwawo. Kalivo mmohi wa aliwa unafuna ugondjihani.>>

Jozuwe 4:24

Yehova ohoirana jatene eji ira malogo matene a mwilamboni ya vati kaiziwe ira ndanda naye ta kopolo eto ali ira nyo mmuovege Yehova Mulugu wenyu malambo matene.>>

1 Samuweli 14:6

Evale mulombwana Jonata ohowonga na muzombwe anna liye ule, liye ira: <<Ndowe vakapamentoni va anyakondo a aFilistewu anno kahaineliwe. Ha ejo Yehova afuna, unonikamiheda. Tchoira liye anikamiheda masiki nilive ambinli, nnoagondjiha. Mwasiwa Yehova ira agondjihe kavali yorutcha. Masiki mukale adjindji eto masiki mukale a vang'ono, jatene jinowandeya.>>

1 Samuweli 17:44

Evale ohowongagave eraga: <<Kafiya uno ira miyo ditukule maningo awo, divahe mbalrame dovava zulu na anavinyama a mukokolani ira kaudje.>>