1 Samuweli 17:43 - Mazu Otchena a Mulungu

⁴³ Mwa enne nFilistewu ule ohonfukaga Davi eraga: <<Kodi imiri unna we mmandani mwawo unaumbuwela ira: <Wenne gu mwanambwa, nnafuna dinkomena?> >> Nomala eno, nFilistewu ule ohomutembelrelraga muzombwe Davi na mazina a amilugu aye.

1 Samuweli 17:43 ပူးပေါင်းရင်းမြစ်များ

Jenesesi 27:29

Atu kaulabege eto malogo oindjiva kakokorege vamentoni vawo. Weyo ukale namatonga wa abalawo eto ahima a mmawo kaukokorelege. Katembelrelreyege atu anno anautembelrelrege eto atu anno anaurelihege, karelihiwege.>>

2 Samuweli 16:5

Mwene Davi agafiyile sidadi ya Bawurimi, ohozaga mulombwana mmohi eni wa muibalini mwa Sawuli, wenno aitaniwa Simeyi, mwana Jera. Liye ohozaga amutembelrelraga mwene Davi.

2 Samuweli 16:9

Abizayi mwana Zeruwiya agamuonne mulombwana Simeyi amutembelrelraga mwene Davi na makalelo anne, ohowongaga na mwene Davi, liye ira: <<Kodi mwasiwa gwa nni mwanambwa okwa ha wenna liye za utembelrelragani nyo mbwiyeni so mwene? Kadihiyeni miyo ira dimugwade muru waye!>>

2 Samuweli 3:8

Evale Abineri agavwile enne, ohotakaleliwaga valukulu. Mwa enne ohonfuka Isbozeti eraga: <<Kodi weyo unaumbuwela ira miyo dili muru wa mwanambwa ofuna ja nlogo na Juda? Eto miyo fiyeda peno nnaairela upama atu a umwene wa babawo Sawuli na abalaye atene na afwaye atene. Eto miyo gunaukamihedetcha ira wahawande gondjihiwa na mwene Davi. Eto vazulu va jatene jejo kodi peno weyo unafuna udisanyege na mwasa wa muhiyana mmohi bahi?

2 Samuweli 9:8

Davi agawongile enne, mulombwana Mefibozeti ohokokoraga, aoramihedaga kove yaye vati, liye wakula eraga: <<Mbwiyeni miyo dagali mulombwana Mefibozeti nnafwanyeya dagali nnga mwanambwa okwene. Nnga miyo dili ani ira nyo mudiirele eno?>>

1 Amwene 20:10

Mwa enne mulombwana Beni-Hadade, ohorumihaga milanyo dimohi diwa wa mwene Akabe ule alumbelaga ira: <<Samariya nahalawo tumbulru nofiyeda atwaga anadihara kawanda zaliha kada mutu ndanda naye naye, amilugu kaditonge na makalelo anafuna liye.>>

2 Amwene 8:13

Evale Hazayeli ohowongaga eraga: <<Kodi miyo namalaba wenyu nnawande irana avi jokala ha jejo? Tchoira miyo nnaoneya nnga dili mwanambwa bahi.>> Evale Elizewu ohowakulaga eraga: <<Yehova udionihile ira weyo unoza ukale mwene wa Siriya.>>

Anamasogolrelra 9:27

Siku nimohi akuda Sikemu kohomaruwa, aliwa dowa mmindani mwiwa mwa uva, aliwa hatcha uviwa, aliwa finya. Noira eno, kohodowaga munyumbani mwa mulugu wewa, aliwa roma dja pwando, aliwa ng'waga eto aliwa mutembelrelraga Abimeleki.

1 Samuweli 14:12

Evale nikuru na alombwana a aFilistewu ale kohomuitanaga Jonata vamohi na muzombwe anna liye ule, aliwa ira: <<Kafiyani uno, ikala inafuna hiyo uwandelani.>> Evale Jonata ohomuwandela muzombwaye anna liye ule, liye ira: <<Kadiharege. Tchoira Yehova uhumala avaheda aFilistewu mmandani mwa aIzarayeli ira naagondjihe.>>

1 Samuweli 24:14

Nyo so mwene wa Izarayeli kaing'anani wenno munamuharahara nyo eto munamusaka nyo! Miyo dera diing'ane, miyo munadiharahara nyo nnafwanyeya dagali mwanambwa okwene, nari itutu yengo yohokana mabasa.

1 Samuweli 24:15

So peno mbwenye jatene eji nnahiya mmandani mwa Yehova. Liye mwinnya gunafune ona jatene eji vamohi no mutonga wenno umutegenle nfwaye. Liyene gunafuna oniha ira miyo kadinna mulandu eto kadiirilena yabure. Eto liye gunafuna divunela mmandani mwenyu.>>