1 Samuweli 17:4 - Mazu Otchena a Mulungu

⁴ Mwa enne ohokalagawo munyakondo mmohi wa kopolo akumilege vakapamentoni va aFilistewu vale wenno aitaniwa Goliya. Waniwa ali ilambo ya Gate. Liye ali mulombwana olapa okwakwana mameturu mararu.

1 Samuweli 17:4 ပူးပေါင်းရင်းမြစ်များ

1 Koronika 11:23

Benaya eto ohompa muIjipitu, mulombwana olapa, wenno anna mameturu menli na masentimeturu 20. Benaya ule annaga ikumbuzo bahi, mbwenye mulombwana owopiha ule ohokagana mwanango mulukulu eto onyemela mmandani mwaye. Evale Benaya ohomukwivelaga, liye muwaka mwanango anna liye mmandani mwaye mule, liye mpana mwinnya.

Detoronomiyo 3:11

(Fwanyeya ira mulombwana Oge mwene wa Bazani ahanapiwe, liye ali mutu ogomiheda muwari mwa nlogo na atu alukulu aRefayina. Kama yaye yali yosakanyiwa na momba eto ikalawove fiyeda siku na peno sidadi ya Raba ilambo ya akuda Amoni. Kama ile lapa uwa inna mameturu mannayi eto rambalala uwa inna mameturu menli nnga munapimela atu.)

Jozuwe 11:22

Mwa tempu yenno kalivo nne nkuda Anaki mmohi ahanle mwilamboni mwa Ana Izarayeli. So mbwenye akuda Anaki amohiwa kahanle muwari mwa sidadi da Gaza, Gate na Ajidode.

1 Samuweli 17:23

Davi awongagave na abalaye ale, mulombwana Goliya, munyakondo mundimuwa wa aFilistewu wenno akuma ilambo ya Gate ule ohozagave akoka, liye roma wonga mazu mamohive nnga molemelela. Davi mbwenye ohonvuruwanaga.

1 Samuweli 17:3

Fwanyeya ira aFilistewu ale kaimenle mwango mmohi afwanyeya pandi imohi ya wu. Eto aIzarayeli kaimenle mwango mmohiwa, afwanyeya pandi ya wu. Vari viwa vale vohokala ndabo eni, aliwa ing'ananaga.

1 Samuweli 17:5

Liye owaretcha kapaseti wa mukuwa eto owaretcha kamiza yokana magoru a mukuwa, yenno yanyemela kilu 60.

1 Samuweli 27:4

Evale Sawuli agavwile ira: <<Mulombwana Davi uhutawela sidadi ya Gate mwilamboni mwa aFilistewu!>>, kawelenle muhara Davi akoka.